影片
更多
2023-04-13
37 浏览
兒童節要小朋友陪我去銅鑼灣行街，夜晚我就問吓佢地想食乜，我一句：你哋唸啦，你哋講食乜就食啦！但⋯結果🥲乜正常小朋友唔係應該答我食薯條漢堡包，佢地話竟然答我想食龍蝦（會唔會太識食啊佢哋😑）基於阿媽要說到做到，上網搵到間價錢唔太貴而且近近地嘅蒸海鮮同佢哋食。海鮮黎啦，佢哋都好雀躍，蒜泥蒸帶子，大刀貝，同埋青口，全部都好新鮮，尤其是大刀背，超級鮮甜一口爆汁。 再來食鮑魚，蠔，因為侍應會幫我哋教好晒時間，時間啱啱好，豉油都唔落已經食得出好清甜，鮑魚仲要超彈牙。小朋友嘅主角出場啦，就係龍蝦，龍蝦都幾大隻，而且啖啖肉，非常好味，食到佢哋唔停口。而我嘅主角就係奄仔蟹，原來呢間餐廳出名是奄仔蟹，我鍾意佢好多膏，好甜，之前有試過喺街市買來食，但係唔係成日都有，而且價錢都唔平，而家餐廳套餐就食到，再次食到真係幸福感爆錶，實在太好食啦。最後食埋碗粥，好飽肚，好滿足，兒童節快樂！
兒童節要小朋友陪我去銅鑼灣行街，夜晚我就問吓佢地想食乜，我一句：你哋唸啦，你哋講食乜就食啦！但⋯結果🥲乜正常小朋友唔係應該答我食薯條漢堡包，佢地話竟然答我想食龍蝦（會唔會太識食啊佢哋😑）基於阿媽要說到做到，上網搵到間價錢唔太貴而且近近地嘅蒸海鮮同佢哋食。
海鮮黎啦，佢哋都好雀躍，蒜泥蒸帶子，大刀貝，同埋青口，全部都好新鮮，尤其是大刀背，超級鮮甜一口爆汁。
再來食鮑魚，蠔，因為侍應會幫我哋教好晒時間，時間啱啱好，豉油都唔落已經食得出好清甜，鮑魚仲要超彈牙。
小朋友嘅主角出場啦，就係龍蝦，龍蝦都幾大隻，而且啖啖肉，非常好味，食到佢哋唔停口。而我嘅主角就係奄仔蟹，原來呢間餐廳出名是奄仔蟹，我鍾意佢好多膏，好甜，之前有試過喺街市買來食，但係唔係成日都有，而且價錢都唔平，而家餐廳套餐就食到，再次食到真係幸福感爆錶，實在太好食啦。
最後食埋碗粥，好飽肚，好滿足，兒童節快樂！
张贴
