野食係OK的，星期日都有lunch set! 平均150左右一個，叫4個基本就夠600，仲可以泊5個鐘車！
(幾靚，有勁hit既卷卷意粉)
不過今餐始終令人不悅。。。餐廳係一個講service 既地方。嗰日廚房同樓面好大聲鬧交，而兩個經理，一男一女在場管理，竟然冇制止員工之間既誤會，由佢地當住客人面前鬧交，實在令人o嘴。
本身以為鬧完交冇事，但之後餐廳氣氛明顯急轉直下，侍應都冇心機serve 客人了。我地希望執枱影生日相，侍應超級唔耐煩，問我地想點。。。我地好戰戰兢兢問：「可唔可以清一清張枱呀，個甜品上咗想影相」侍應話ok，執到一半唔小心打瀉左啲餐具，都明既。。。可能心情唔好，但最後，佢執到一半冇執到走咗。
雖然張枱好污糟，我地唯有自己抹好，照影相🙈 咁想問，憑咩收加一服務費？食到好谷氣！餐廳鬧交，客人一同受氣，希望餐廳內部可改善一下員工關係，做到三贏局面。
(冇人清理的枱面，最後走左)
(如圖可見甜品黎咗，枱上面依然很亂)
