影片
更多
2017-09-29
2887 浏览
第一次寫食評，第一次遇到咁嘅態度，如果唔係因爲台灣朋友一定要食呢間，我諗我一定即走唔食。訂位一定要人齊準時，遲左無留位（明白規則係老闆定，客人有責任準時）但我真係無諗過入到黎，位都未坐好比人問左幾次飲咩，坐低要幾耐，不停吹，無飲品餐牌唔梗要，唔好唸口簧咁一輪嘴係咁講有咩飲，聽唔到up咩之餘態度可其差，大聲到好似爭佢錢無還咁，迫到好似唔叫唔得。待應係落單過程黑哂口面，好唔耐煩企係到，由於我真係無聽過亦無黎過呢間野，真係唔知有咩好食，有幾出名，待應完全無介紹，同樓下7 仔亞姐一樣，食唔食（東風螺，聖子王..xxxxx........)無禮貌之餘令到我唔想再問佢野，想即走。但真係無計，朋友想食，忍x住我：就呢5樣，唔該。佢：下，你地5個人，夠食嫁嗱我：我想叫左先，唔夠再叫。佢：我唔係話你叫得少，你地無錢叫，但你之後再叫會等得耐囉😡好唔好食我一直都無係open rice 到寫食評，口味真係見人見致.但其實最想反映嘅係，咩叫服務業，最基本嘅服務呢到係無嫁，對客人嘅態度差到咁，狗眼看人低，直頭係無禮貌。🔺上網search 原來個待應係就老闆。作為客人，理得你係待應定老闆，理得你有幾多明星富豪食過，
第一次寫食評，第一次遇到咁嘅態度，如果唔係因爲台灣朋友一定要食呢間，我諗我一定即走唔食。
訂位一定要人齊準時，遲左無留位（明白規則係老闆定，客人有責任準時）但我真係無諗過入到黎，位都未坐好比人問左幾次飲咩，坐低要幾耐，不停吹，無飲品餐牌唔梗要，唔好唸口簧咁一輪嘴係咁講有咩飲，聽唔到up咩之餘態度可其差，大聲到好似爭佢錢無還咁，迫到好似唔叫唔得。
待應係落單過程黑哂口面，好唔耐煩企係到，由於我真係無聽過亦無黎過呢間野，真係唔知有咩好食，有幾出名，待應完全無介紹，同樓下7 仔亞姐一樣，食唔食（東風螺，聖子王..xxxxx........)無禮貌之餘令到我唔想再問佢野，想即走。但真係無計，朋友想食，忍x住
我：就呢5樣，唔該。
佢：下，你地5個人，夠食嫁嗱
我：我想叫左先，唔夠再叫。
佢：我唔係話你叫得少，你地無錢叫，但你之後再叫會等得耐囉😡
好唔好食我一直都無係open rice 到寫食評，口味真係見人見致.
但其實最想反映嘅係，咩叫服務業，最基本嘅服務呢到係無嫁，對客人嘅態度差到咁，狗眼看人低，直頭係無禮貌。
🔺上網search 原來個待應係就老闆。
作為客人，理得你係待應定老闆，理得你有幾多明星富豪食過，理得有幾古法有幾正宗，我只係食到一肚火，就算好食，我都唔會再食，唔會介紹，仲一定會唱衰。
有呢間咁嘅食店簡直影響香港形象，影衰香港服務業
過問十個朋友，十個都唔知呢間係咩？網上搵到大部分都係台灣旅遊網介紹，唔見得呢間野係香港出名到可以有呢種服務態度。
入黎係食野，唔係入黎受你氣。就算食一碗粥都要有服務啦！唔係要求高，而係老闆你收得咁嘅價錢，比返應該有嘅禮貌比客人啦！
老闆自稱對食材，烹調方法好有要求，好多明星富豪食過，好難想像你用平時嘅服務態度對呢班明星富豪wo ，唔好見高拜見低踩啦！扮清高
若然老闆堅持呢種咁巴L閉心態對客人，請係訂坐時連同要求客人準時人齊到達一樣，講明呢到食野要受埋氣，無服務提供，老闆唔休做，態度一定會差，頂唔順唔好book！
你有要求，我地係客人都會對你有要求嫁！
反省下啦興記老闆！
张贴