影片
更多
2022-05-29
217 浏览
印度野真係比較少食，有陣時又會擔心個環境，所以都比較去小試吓印度嘢食，不過今次朋友介紹呢一間中環嘅Chutney 顛覆咗我對印度菜嘅impression 首先一入到嚟個環境非常之光猛，唔係平時咁樣吟吟沉沉，反而一入到嚟覺得好似去咗阿拉丁童話咁，全部都金金黃黃，都好有特色。前菜方面我哋就叫咗Maghlai Jheenga 188 ，呢個勁好食，首先個蝦好新鮮，非常之爽口彈牙，同埋都非常之大隻，底部仲有個酸酸地嘅醬汁，非常之開胃。Tandoori Octopus 198另外我哋都叫咗一個炭燒八爪魚，八爪魚份量好足好大條，同埋最欣賞佢即叫即炭燒，燒到唔會乾巴巴之餘，居然都好Juicy，同埋食到少少炭燒味，加分。Laal Maas 208另外我哋都叫咗個咖喱羊腩，羊肉嘅份量非常多，印象中都有成六大嚿，羊嘅味道唔會太so，唔敢食羊肉嘅，都可以試吓，咖喱非常推介試吓佢哋嘅Garlic Naan 42，上枱仲係熱辣辣，撕一塊naan ，點少少咖喱汁好岩胃口，呢個蒜蓉烤餅就咁食都好好食。Truffle Cheese Naan 58 另外我哋仲叫咗個黑松露口味，黑松露味道非常之出，另外仲夾雜左芝士味，
首先一入到嚟個環境非常之光猛，唔係平時咁樣吟吟沉沉，反而一入到嚟覺得好似去咗阿拉丁童話咁，全部都金金黃黃，都好有特色。
前菜方面我哋就叫咗Maghlai Jheenga 188 ，呢個勁好食，首先個蝦好新鮮，非常之爽口彈牙，同埋都非常之大隻，底部仲有個酸酸地嘅醬汁，非常之開胃。
Tandoori Octopus 198
另外我哋都叫咗一個炭燒八爪魚，八爪魚份量好足好大條，同埋最欣賞佢即叫即炭燒，燒到唔會乾巴巴之餘，居然都好Juicy，同埋食到少少炭燒味，加分。
Laal Maas 208
另外我哋都叫咗個咖喱羊腩，羊肉嘅份量非常多，印象中都有成六大嚿，羊嘅味道唔會太so，唔敢食羊肉嘅，都可以試吓，咖喱非常推介試吓佢哋嘅Garlic Naan 42，上枱仲係熱辣辣，撕一塊naan ，點少少咖喱汁好岩胃口，呢個蒜蓉烤餅就咁食都好好食。
Truffle Cheese Naan 58 另外我哋仲叫咗個黑松露口味，黑松露味道非常之出，另外仲夾雜左芝士味，都算幾特別。
另外主菜方面我哋都叫咗個Malabar Fish Curry 208，魚柳新鮮唔會有腥味，呢隻咖喱同羊腩咖喱，呢隻就會相對地淡一啲，唔鍾意食濃咖喱嘅可以選擇呢一隻。
另外我哋都最尾叫咗個甜品，呢個甜品好好食呀，Passion fruit cocount cake 108，首先好重椰子味，另外仲有少少熱情果，酸酸地甜甜地，食完咁多嘢之後非常之解腻。
另外我哋都叫咗兩杯嘢飲Mango Lassi ，Chutney’s Iced tea ，兩杯都唔錯一杯係芒果奶昔，另一杯我都比較鍾意有少少似蜜桃茶，非常之清爽。
總括嚟講呢次印度菜嘅體驗非常之好，環境非常之舒服仲可以即場見到大廚烤嘢食，另外裝修非常之有格調，感覺好似去咗阿拉丁童話咁，食物質素都幾好同埋份量都好大，都算抵食。
张贴
