和牛燒肉‧純

星期日晚同朋友食式燒肉，朋友推介呢間，話佢地d燒肉好正，我又未試過所以一試無妨啦 。去到尖東希爾頓大廈，好耐無來過喇所以都搵左一陣。搭扶手電梯就到都幾方便，入面都幾大幾舒服，反而我覺得佢地d枱夠大，同鄰座有距離有私隱度，坐得好舒服。大家叫左野飲後就打開餐牌睇食咩，見到好多不同部位既牛肉，我地四人都係牛魔王咩都想試，所以最後揀左大拼盤，咩都有得試啦睇賣相好得，因為每塊牛既牛脂分怖好均勻，侍應又會介紹每款牛係咩部位，服務亦相當好。燒左之後仲得，真係入口即溶既感覺，好耐都無食過咁正既和牛，之前都係日本食多，而家話咁易食到啦，原來佢地係日本有好多間分店，香港係第一間，吾怪得個feel咁日本。最後我地食左2個鐘左右，每人都添左碗白飯，款款肉都好味但最愛是西冷。