影片
更多
2018-06-16
442 浏览
好友入伙之喜，請佢食餐飯慶祝，佢今晚要去呢度取家電，所以我在嗰橦工廈揀咗呢間餐廳食晚餐，事先打電話問咗有位，準時去到，工廈一個單位，店內好闊落，桌椅完全唔迫！西餐廳格局，加啲玩味油畫！唯一女店員放低餐牌再介紹下啲餐！叫我哋揀好再叫佢，完全唔催促！麵包（免費🆓）有脆脆麵包條，加鬆軟麵包方塊，方塊有香草味！點黑醋開胃好味！每月精選套餐（$238）燴藍青口配白酒香草忌廉汁：藍青口唔算肥美，啲白酒忌廉汁好香滑，配青口肉好夾，青口無沙唔腥，好味！朋友直程𢳂埋來飲！焗法式洋蔥湯：玻璃杯裝，有酥皮面，好好嘅洋蔥香，煮到洋蔥甜味出晒！好味！慢煮法式紐西蘭羊膝：羊膝一碗，羊膝煮到離晒骨，羊肉淋身，不過肉質太淋，朋友就唔喜歡，配菜另上，配菜有好多款，西蘭花🥦爽，蕃茄仔酸甜，白蘿蔔球爽甜，串燒翠肉瓜鮮冬菇爽脆，燒過無草青味，薯蓉打得好滑，忌廉味濃！熱咖啡：好少見用透明玻璃杯裝咖啡，咖啡奶同糖另上，我只落奶，咖啡好濃好甘，比平常嘅甘苦，不過仲可以接受！解膩一流！5道菜（$558）香煎鵝肝配慢煮菠蘿：鵝肝煎得油香滿咀，菠蘿酸甜開胃，配肥美嘅鵝肝剛好！慢煮娜威三文魚柳配俄羅斯魚子醬和慢煮青瓜：賣相好靚，將所有材料
麵包（免費🆓）有脆脆麵包條，加鬆軟麵包方塊，方塊有香草味！點黑醋開胃好味！
每月精選套餐（$238）
燴藍青口配白酒香草忌廉汁：藍青口唔算肥美，啲白酒忌廉汁好香滑，配青口肉好夾，青口無沙唔腥，好味！朋友直程𢳂埋來飲！
焗法式洋蔥湯：玻璃杯裝，有酥皮面，好好嘅洋蔥香，煮到洋蔥甜味出晒！好味！
慢煮法式紐西蘭羊膝：羊膝一碗，羊膝煮到離晒骨，羊肉淋身，不過肉質太淋，朋友就唔喜歡，配菜另上，配菜有好多款，西蘭花🥦爽，蕃茄仔酸甜，白蘿蔔球爽甜，串燒翠肉瓜鮮冬菇爽脆，燒過無草青味，薯蓉打得好滑，忌廉味濃！
熱咖啡：好少見用透明玻璃杯裝咖啡，咖啡奶同糖另上，我只落奶，咖啡好濃好甘，比平常嘅甘苦，不過仲可以接受！解膩一流！
5道菜（$558）
香煎鵝肝配慢煮菠蘿：鵝肝煎得油香滿咀，菠蘿酸甜開胃，配肥美嘅鵝肝剛好！
慢煮娜威三文魚柳配俄羅斯魚子醬和慢煮青瓜：賣相好靚，將所有材料卷起，爽脆青瓜，魚肉嫩滑，魚子醬微鹹！好味！
香濃蟹忌廉湯：朋友飲
自家製意大利式雲吞配龍蝦肉和海鮮餡料：好大隻雲吞，其實對意大利雲吞嘅皮一向無乜好感，可能覺得港式雲吞嘅好味入晒腦，覺得意大利雲吞皮又厚又實，今次都係咁嘅口感（我相信本身意大利雲吞都係咁，只係我唔喜歡）飛碟🛸造型，加一條龍蝦醬，海鮮餡係蝦肉，爽口好味，同醬汁幾夾！好味
香煎香草M5和牛肉眼扒配牛肝菌汁：擺盤幾靚，叫咗medium，牛扒唔算厚，煎得剛好，肉汁無流出來，牛味重淋身唔韌，配菜有好多款，西蘭花🥦爽，蕃茄仔酸甜，白蘿蔔球爽甜，串燒翠肉瓜爽脆，燒過無草青味，牛油薯仔片有小砵裝住，薯仔索晒牛油汁，油香滿咀，我無點牛肝菌汁，因為牛扒靚嘅淨食牛味已夠
慢煮蘋果卷：酥皮薄，蘋果煮得香甜，酸甜清爽好味
熱檸水：朋友飲
食物有heart，女店員醬細心，問咗我哋會分享食物，每次都比隻碟我哋！換碟又換得密，仲要幫我哋分單計會做得平啲！幾窩心！
工廈中都有好餐廳，只收現金
张贴
