茶記冰室 (已結業)

今日去左葵涌食茶記冰室，一間好有香港特色嘅茶餐廳。 裝修亦都有冰室特色，好適合外國人去食。餐廳幾大，幾寛敞，亦有洗手間可以使用。我地食18:00，時間尚早，所以店員安排左我地坐卡位。唔好以為茶記一定好污糟，呢間茶記環境，好乾淨衛生。 我地兩個人就叫左三個小菜—冰鎮咕嚕肉、豉淑炒䙺、薯仔配牛肉粒。食小菜一定要送飯啦。冰鎮咕嚕肉係呢間餐廳嘅招牌菜，特式菜，一定要試下。我都係第一次食凍嘅咕嚕肉，有好多冰係面。平時咕嚕肉得菠蘿伴，佢竟然配埋提子同車厘茄，但係出奇地配撘。囗感好得意，咕嚕肉皮出面凍裏面啲肉係熱，個皮仲脆卜卜，真係講起都想食多次。 豉淑炒䙺個汁幾正，啲䙺肉又多。店員仲好好服務，自動拎左碟仔俾我地擺殻，服務態度值得一讚。 而薯仔伴牛肉粒，啲牛肉係一口牛，肉質鮮嫩，細細粒好岩送飯。樣樣餸嘅份量都唔細份，兩個人都食唔曬。 三樣餸，兩個人食飽飽，清曬碗飯，$300都唔洗，好抵食。原來有時候兩個人食下茶記都幾正架。茶記冰室地址 葵涌石蔭路60號金石樓地下2號舖