影片
以上资料只供参考，请与餐厅确认详情
离晒大谱，叫个早餐成廿分钟都唔出餐，本身8:30叫左餐预计有30分钟时间食，拖到9点都未出餐，员工态度极差唔帮手追，由8:44催到9点一个简单早餐都出唔到，全间餐厅都系催单既，赶返工切忌帮衬呢间，就算早出门口都会畀佢累死你，仲扮睇唔到个客挥手，服务态度差劣程度冠绝全港，累人累物早执早著
继续阅读
有日叫咗个下午茶餐吉列猪扒伴沙律外卖。点知打开见到块猪扒俾人切咗一大忽！！即刻打电话俾佢地，问系咪搞错咗？系咪有客食过退返俾佢，但佢再攞出嚟当外卖俾我？！佢坚持话唔系，冇人食过。我问咁点解俾人切走咗一大忽？听电话个女人话可能系厨师觉得块猪扒太大，所以要切走一忽！！咁嘅解释仲离谱！！唔通炸咗只鸡髀出嚟觉得佢大只又会切走一忽？！未见过啰！其实就咁睇块猪扒冇咗一忽系比一般细块d，咁又如何解释？根本就系狡辩！后来个女人同意退款，不过第日当我去退款嘅时候，佢块面黑到呢…..
继续阅读
一天的好心情完全被破坏甚至十分愤怒等个外卖等成半个钟最惨佢现场堂食又唔系爆场但又唔俾我企系门口/坐低等要我系门口出面晒住等我见到堂食既就客都出出入入换左几转就行返入去问先话部机出唔到单咁堂食个D点解又有野食要我继续行返出去门口出面等您有问题叫我入黎坐低等都好吖唔系我问仲要等几耐都唔将我张单摆到最头但都仲系狂出堂食既想食个早餐把几火再更新 姐姐打漏单俾少野饮我无为意 但姐姐死撑2个面餐都可以得一杯野饮咁我已经逐个餐叫 净系一杯野饮唔问多句既仲要叫我想要返就自己行返落黎拎如果唔系等多几个钟忙完晒先考虑下揾人送过黎睇返张单 咁又识收我4蚊外卖盒钱定2个面1杯野饮就要收4个外卖盒钱先服务态度咁差野食几好食都无用啰甚至佢野食水准都只系中上所以绝对唔会再食呢间野
继续阅读
星期六朝早去食早餐, 啲态度赶客咁嘅款, 0尊重, 唔食就算咁嘅款, 嬲爆, 建议餐厅Review吓啲员工质素,唔建议大家去食受气, 同埋本身质素都差咗好多, 香港就系比呢啲人搞湾晒。
继续阅读
本人第一篇食评，如表达得不好，请见谅😃年三十，2点左右去到安荫街市附近揾食由于成朝未食过野，所以想食啲饱肚嘅嘢。经过呢间餐厅门口，见到下午茶餐两点开始，餐牌好似几多选择，价钱唔算贵，所以就决定入去试一试！一行二人，入面八成满坐，自行拣位，坐左张四人枱，座位阔落，枱与枱之间唔会太迫，室内光线充足，是蛮不错的！一坐低，服务员递上两杯热水，颇贴心的！然后看看餐牌，有包类，有炸物，有炒粉面，款式什多！好多餐厅既下午茶炒饭都系得几款，但呢间嘅炒粉面多达26款，只系炒饭都占咗六款，对于有选择困难症嘅我10分头痛😆经过多重考虑，我决定选择好少餐厅有得供应嘅厦门炒米，$40包热饮，我叫咗热柠茶。而太后就叫咗咸鱼鸡粒炒饭，热鸳鸯，同样$40。过了3分钟，餐饮送上，热柠茶茶够香够热，有啲似雀巢柠茶嘅味道，唯一扣分嘅系只有两片柠檬🍋，如果有三片就好啦！而太后既热鸳鸯，茶唔够香，唔够滑，整体一般！10分钟后，太后嘅咸鱼鸡粒炒饭送上，热辣辣，闻就冇乜咸鱼味，食落就有，咸鱼粒唔算多，鸡粒适中！炒饭唔会好干，亦唔会好油！食得出系即炒！份量适中！算有下午茶嘅份量！太后表示满意，有7分！过多5分钟，我嘅厦门炒米终于都到！又系即炒，热辣辣，味道好啱我，唔会太甜，唔会太酸，最难得嘅系有酸瓜条，有种好传统嘅感觉，并唔系一般用茄汁煮！配料都足够，有三只虾仁，叉烧丝，蛋丝！好和味！😋😋😋我俾够9分！整体嚟讲，会再帮衬！
继续阅读