第三站

係金雞廣場嘅Station3 已經開咗一段時間，不過都好耐冇嚟過，今次想同朋友仔食下野慢慢坐低傾吓計所以就揀咗呢間。入到去見到有好多桌上遊戲，如果鍾意玩都可以當係一個玩game嘅地方。當然嘢食方面都好緊要，晚市餐牌都有好多款式可以揀。 煙三文魚野菌忌廉燴闊條麵$126超鍾意佢好多忌廉汁，好creamy，而且份量十足，口感彈牙，上面整到好似玫瑰咁嘅煙三文魚有充足鹹香，另外粒粒野菌菇彈牙Juicy。黑松露帶子鮮菌燴意大利飯$122裏面除咗有黑松露香味之外，仲有一粒粒帶子，彈牙有口感，而意大利飯質感唔會太硬，比較適中。升級套餐$38有沙律及蛋糕沙律方面就用咗胡麻醬，仲有多款唔同嘅沙律菜，爽口開胃！甜品方面就有幾款口味，我哋就揀咗藍莓芝士蛋糕，無論賣相同味道都好突出，賣相方面側邊有啲好似叉嘅朱古力粉，蛋糕質感比較軟身。特濃芝士薯條$58除咗上面有好濃郁嘅芝士醬外，仲有好多煙肉火腿片，鹹香十足。Oreo曲奇奶昔+$20青蘋果紅茶飲品方面我就揀咗奧利奧曲奇奶昔，甜香十足，表面仲有cream同埋Oreo。朋友青蘋果紅茶就唔使加錢，甜甜味道都唔錯。