百好咖啡餅店 (已結業)

今日係兒童節，為了應節一番，我決定重回「兒時成長回憶之地」──百好，食個晏仔，順便探望昔日老街坊！　午餐（$24）：叉燒湯意粉＋火腿炒蛋＋鮮油包＋熱飲　叉燒湯意粉：Ｄ意粉夠稔又彈牙，湯底好清無味精，叉燒夠稔冇渣，唔錯唔錯！　火腿炒蛋：炒蛋size細左Ｄ，裡面只有２、３條火腿絲！　而且Ｄ蛋好硬身，似時間耐左同埋煎起了！　鮮油包：今次唔係用一般餐包，而係用奶油椰絲包，幾特別！　不過個包又係size細細，大約係平時奶油椰絲包的１／３咁大，而且入面只有＂一毫子＂咁大的牛油，對我來說顯然唔夠搽勻成個包，食唔到牛油香！