影片
食家推介
响Openrice写咗超过100篇食评, 而真系食过百次嘅只得呢一间!! Openrice 嘅评价偏向负评, 原因有二: 1. 后生唔识食!2. 你唔系街坊熟客!详细解释下1a. 食环境呢度夏天唔凉, 冬天唔暖;只因无中央冷气, 又无500 lux照住你食嘢, 装修劲传统.后生唔钟意!不过就出现响好多电影, 电视同广告场口!! 1b. 食经历斋睇呢张上世纪五六十年代嘅告示牌:"随地吐痰随地吐痰得人憎，罚款二千有可能，传播肺痨由此起，衞生法例要遵行。"后生仔唔好话睇, 好多听都未听过呀!1c. 食历史餐厅名称同地址系由右至左, 电话号码得6个字!未够? 有返咁上下年纪嘅一定对呢款传统餐牌似曾相识.1c. 食d乜呢度餐包糕点等, 由80多岁老板每日新鲜亲自制造.而呢度嘅热奶茶, 我唔敢话全港最好饮; 但绝对系我心中嘅number 1! 5星星推介!!2a. 无人招呼老板入面整面包, 一个负责洗碗; 得返三个人负责哂收钱,楼面,水吧,大厨. 三个人六只手通力合作; 你谂好食乜至好叫佢.2b. 无单无据靠把口.好多人留负评话佢哋收错钱; 我食咗咁多次从未收多, 只有打折. 老板娘其实记得哂d熟客钟意食乜饮乜. 我每次一入门口, 老板娘一声"孖T"; 一坐低我哋杯奶茶已经到! 食物方面, 基本上餐牌上有你就可以叫. 无论几点都有早餐,午餐, 甚至下午茶餐.我最常食早餐同午餐:早餐: 火腿通粉, 西煎双蛋, 连热饮.午餐: 叉烧意粉, 火腿奄列, 连热饮.一直唔写食评系唔想咁多人来要我等位. 今次肯写系因为佢哋将会荣休!! 有缘再会!!
继续阅读
餐厅开在屋企附近，多年来都未有去试过。今日心血来潮，就去试一试。一入到餐厅，别有一份怀旧感觉，无论系茶厅装潢定系用既杯碟，员工既衣著。用餐时间系一两点，餐厅可选择既食物比一般茶餐厅少，顾客叫既食物来来去都系个两三样。今次叫了叉烧意粉，炒蛋餐包餐包和公仔面。成个餐最好味系个炒蛋，但只不过系正常。个餐色 系干，好似任何地方都好食过佢。个叉烧意得好少叉烧，汤底又无咩味。饮品我地叫左个冻员热奶茶。奶茶无茶香，都唔滑。总括而言，虽然价钱系平，人均四十几蚊，而地点都系近，但我都系唔会再光顾既餐厅。
继续阅读
近年唔少新开嘅茶餐厅都刻意走怀旧风, 装修摆设复古, 模仿老香港茶记。不过如果想体验真正嘅旧式茶餐厅就要嚟下呢间位于西湾河嘅百好㗎啡饼店啦。呢度由六十年代开业至今仍然保留原有装修, 一枱一凳都见证香港历史, 难怪连电影《大茶饭》都要喺度取景。下午茶时间, 环顾四周, 光顾嘅似乎都系街坊街里。伙记推介鸡翼双肠米, 就试试吧。鸡翼双肠米 $42鸡翼煎得都几香口, 双肠就同预期一样很重口味。呢度嘅食物就普普通通啦, 但整个环境的确保存得不错 , 体验一次亦无防。
继续阅读
下午三点来到西湾河, 揾个地方和朋友倾计,来到百好咖啡室。星期日部份茶餐不适用, 拣左奶酱多和黑白淡奶鸳鸯特饮。一坐便是两个小时, 好好唔会赶人走!奶酱多烘得够脆, 面包唔干身。冻鸯特饮, 啡味浓, 够提神! *在港岛区想食旧冰室出品, 可以来百好!
继续阅读
好多套戏都用冰室做主题, 周星星的行运一条龙, 蔡卓妍, 黄秋生同黄又南的大茶饭。今日终于经过西湾河, 谂起套戏系系百好到拍, 于是谂都唔谂, 就入左去食个早午晚特常餐了。百好系西湾河电车路, 文娱中心对面, 一出地铁站过马路3分钟就到, 好方便。百好系香港仲有西饼/蝴蝶so 卖的冰厅, 虽然过几间铺又有间有得卖, 但我个人认为呢D铺头真系买少见少。讲番个餐, 叫左叉烧意粉, 连火腿炒蛋及餐包, 仲有杯热奶茶,叉烧要预左系雪藏货, 所以我唔会expect 好好味,不过系意粉煮得有D淋。火腿炒蛋火腿比我想像中少, 个餐包系几好味既热奶茶都算唔错。不过Overall 黎讲始终同我想像有D落差,下次我再黎西湾河时我应该会试试隔离再隔离果间, 是次评价: OK
继续阅读