奇趣餅家

营业中

休息中

新鮮出爐嘅豆沙燒餅，$3一個，要咗兩個，我同老婆忍唔住即刻就喺條街度食(所以幅相冇豆沙燒餅)。軟熟煙韌，而且食完全冇膩滯感覺，好正！雞仔餅又係極之出色，要咗半磅(廿幾蚊一磅)。唔係硬硬實實嗰隻，係軟熟又唔油膩，兼且相當香，又係食到唔停得口。$10一個特大光酥餅，大過塊面！不過係普普通通。再要多兩件椰撻仔($5四隻，唔sure佢係唔係收我哋$2.5)。皮唔算厚，椰絲餡多，而且唔太甜，算唔錯。Total$31，咁高質素，相當抵啦。