八幡屋日本料理 (已結業)

係我食過最難食既放題 好伏好伏好伏一上到去見到個格局已經有少少伏店面好細 啲豉油碟又唔乾淨...(成粒蔥係上面)啲野食就......刺身算係正正常常...其他野都好唔掂尤其最伏係加左$50升級啲生蠔腥到喊 啲汁又太酸 極難食至於其他既升級食物赤蝦一係就得雪味 一係就好腥珍寶帶子梅梅地 勁淋 口感好嘔心羊扒簡直...勁騷都算 聞落好似好多香料但食落係無味...得個騷字 肥膏又多..炸物都麻麻地芝士年糕有怪味 炸雞柳個汁又難食 炸雞翼又太咸重點係天婦羅...顏色勁深 似係翻炸過好多次食落得油溢味...仲有焗蠔無配料得粒細蠔加醬 唔好食燒多春魚又乾到死....其餘入到口既食物..都係得燒雞翼,鹽燒牛舌,椒鹽炸蟹仔...都係普通水準 唔算好食成餐最好食既係維記雪米糍其他甜品就...蘋果大福有藥水味芒果布甸...我咁大個人都無食過咁難食既布甸 無芒果味 口感似泥 仲要係有沙既泥仲有本身都幾期待個水信玄餅 但真係得個樣幾靚 食落感覺似飲緊種花個啲水咁 可能係我唔識欣賞喇...服務方面就普通喇上菜上得快 但都有漏單情況但食物質素咁差...再加上飲品選擇又少 得汽水同冰紅茶一般放題會有既忌廉溝鮮奶 韓