更多
2021-03-28
80 浏览
Burger Joys其实系全球top 50汉堡包店,之前都试过另外两间分店,今次黎开湾仔买嘢,就决定试埋湾仔分店。香草味奶昔 奶昔永远系每次必叫精选,因为总系觉得奶昔配汉堡好夹。今次叫咗香草味奶昔,雪糕同冰打得够幼细,饮落够甜又好幼滑。芝士牛肉汉堡牛肉够晒Juicy,配上半溶嘅芝士,食落够晒滋味。配上洋葱、生菜同蕃茄,蔬菜嘅新鲜感,刚好中和到牛肉同芝士嘅油腻感,口感一流。洋葱圈平时最怕食到炸皮同洋葱分开嘅洋葱圈,呢度嘅洋葱圈系即叫即炸,炸皮同洋葱唔会分离,食落外脆内软,洋葱又唔会太干。鱼柳汉堡鱼柳够晒大块,而且肉质够结实,炸到香脆之余又,保持到入边鱼肉嘅嫩滑。
张贴