開胃前菜必點越南蜜柚燒蝦沙律，蜜柚香甜多汁蝦肉爽口，加埋椰糖魚露汁非常醒胃，越式牛肉法包小小一件非常貼心，食完仲可以有位試到其他野，香茅椰糖烤三黃雞香味十足，雞肉充滿香茅香氣又入味，配上酸酸地嘅會安三風味汁更加惹味，鑊仔牛柳粒配烤牛骨髓都係比較濃味嘅選擇，配飯食就最適合不過。
香芒蜜柚椰子雪葩更似濃濃嘅椰子雪糕，加埋花生、青檸、蜂巢脆糖口感非常豐富，仲有記得唔好錯過佢哋全新嘅cocktails，‘’Go with the Pho‘’ 混合氈酒同埋牛肉高湯，再加入多款越式香料，味道特別滿滿越式風味！
