黑門水產すいさん (棉登徑)

約咗朋友嚟試下尖沙咀呢間黑門水產，一入到去覺得平衡時空一樣，去咗日本嘅居酒屋咁，餐廳掛滿唔同貝殼，店員話係佢哋用serve俾客人食完嘅海鮮自製架，真係好有心思🐚❤️刺身方面，我哋叫咗深海池魚薄切刺身，配特製嘅醬汁，味道好鮮味又特別呀🐟 另外，我哋仲叫咗黑門帆立貝伴魚籽醬，用紫菜包住帆立貝、海膽、三文魚籽同魚籽醬，食落超級鮮甜又有豐富口感。燒物方面，我哋叫咗極上大漁貝燒，上面充滿生蠔、海膽、鮮蝦同三文魚籽，超足料呀🦪 仲有店員專人幫我哋將大漁貝燒好，服務一流。另外，我哋仲叫咗海膽蟹味噌甲羅燒，真係好有特色呀！入面佈滿海膽、蟹肉、蟹籽，加埋鵪鶉蛋一齊煮，搽落梳打餅度一齊食，味道非常濃郁🦀作為三文魚控嘅我，叫咗黑門三文魚加州反卷，配有蟹肉、玉子同三文魚籽，好好味呀。另外，我哋仲叫咗鮭魚親子丼，面頭舖滿海膽、三文魚同三文魚籽，加上飯粒用咗秘製醬汁撈埋，食落味道充足🍣最後，我哋仲叫咗鐵板燒山賊醬蟹蒜地雞，雞肉嫩滑，加上香濃嘅蒜香味同少少辣味，超級野味🍗