小魚兒 (金馬大廈)

营业中

休息中

這間食肆叫小魚兒，顧名思義應該係主打食魚，但我哋見到餐牌寫住人氣雞煲，突然想食雞煲😂，所以今次叫咗雞煲（半隻）$168再加其他配料嚟食，雞煲可以揀不同辣度同麻度，亦都可以揀完全唔辣唔麻，我就叫咗BB辣同BB麻，因為我本身唔係幾食得辣，但又想有少少辣同麻吊下個味應該會更惹味，配料方面叫咗匙仁（牛肩胛骨証嫩肉）$168、油麥菜$38、日本扇貝（4隻）$68及稻庭烏冬$33，先上雞煲，見到滿滿嘅芫荽放在上面，服務員示意先滾起後再焗佢兩分鐘，一打開好香芫荽味，雞嘅肉質果然煮到剛剛好，雞皮香口帶少少焦香味，味道調校得剛剛好，麻辣味做得幾出色惹味，之後我哋加湯滾配料，匙仁這個名真係好特別，第一次聽，上網查「匙仁」原來係位於肩胛里脊的內層，被譽為嫩中之嫩嘅部位，果然無講錯，首先賣相已經吸睛👀，肉嘅厚度厚薄適中，肥瘦均勻，好快熟可以食得，重點係肉質鮮嫩，不錯👍🏻.烏冬滑身，雞煲啲汁入哂去無得輸，扇貝$68有4隻，幾抵下，而且size仲唔係細隻，鍾意食海鮮嘅朋友唔好錯過，服務方面幾好，環境裝修得幾有心思，洗手間內都有不少‘魚仔’的裝飾，整體來講不錯，值得支持.#小魚兒#雞煲#dinner#晚飯#烏冬#u