釜山商會

尖沙咀一帶有好多韓國餐廳，喺咁多間選擇之中，知道呢間係來自釜山嘅韓國人經營，今次就過嚟試試正宗嘅韓國地道美食。店內環境寬敞，一直播放住韓國潮流音樂，加上微微嘅霓虹燈光，好熱鬧好有氣氛！首先有六款前菜，薯仔條、醃茄子、黑豆、泡菜、青椒、白蘿蔔絲，酸酸辣辣咁夠晒開胃，食完仲可以 refill 添~😋 Rose 辣炒年糕 ~ 有大量韓式炒年糕、腸仔、魚糕、蔬菜等等嘅部隊鍋，微辣當中帶點芝士同奶油香味，個湯越煮越入味！炒年糕煙煙韌韌咁好有咬口，食極都仲有好多 🤣🤣😋 排骨餃子 ~ 一份有八隻，比想像中大隻，金黃色嘅外皮炸得鬆脆，咬落去係啖啖肉，而且仲鎖到 d 肉汁，有驚喜！而家只要 follow 佢地 社交平台，就可以免費獲得愛情鎖一個，寫上心願後直接扣上店內嘅欄上面，咁有特色又可以嚟打卡~~