影片
更多
2022-01-13
30 浏览
何蘭正，可算係城中我幾欣賞嘅餐廳！事關佢哋嘅菜式可以話係獨一無二，食材嘅搭配充滿創意，嗰種創意唔係夾硬將食材拼奏出嚟嘅混亂感，而係每種食材配合得宜所產生嘅微妙化學作用😎• 港式生醃北海道帶子、特選三文魚籽、清爽中華海菜沙律、迷你雲耳、老油條脆粒 $148帶子厚身得嚟份量又多，夾雜海菜整體極為清爽。調味感覺上加咗香茅，令味道更Fresh🥰• 麻婆風味意大利流心芝士、超甜荷蘭小蕃茄、刀削白靈菇、肉鬆及西班牙香脆麵包 $158印象中嘅Burrata cheese味道比較清新，配搭麻婆風味嘅醬汁，搖身一變成為一道重口味菜式！喺芝士on top加咗肉鬆，店員話係想模仿麻婆豆腐中嘅肉碎，因為肉碎凍咗冇咁好食，所以就用咗肉鬆，真係虧佢哋諗得到！味道係我最鍾意嘅麻辣，將所有食材放上油炸鬼上面食，口感同味道都好特別，幾欣賞切到薄薄嘅白靈菇，爽滑又有菇菌嘅清香🤤• 先炆後煎澳洲牛臉頰肉、擔擔風味櫻花蝦煎腸粉 $188賣相唔算討好但味道好出色！牛臉頰炆得好淋好有膠質，食落有少少黏口嘅感覺，加上櫻花蝦有提香嘅作用！醬汁我覺得同前菜嘅麻婆汁有少少似，都係帶點麻香味，不過麻醬嘅味道就更加濃😌• 西班牙油炸鬼、配香
• 港式生醃北海道帶子、特選三文魚籽、清爽中華海菜沙律、迷你雲耳、老油條脆粒 $148
帶子厚身得嚟份量又多，夾雜海菜整體極為清爽。調味感覺上加咗香茅，令味道更Fresh🥰
• 麻婆風味意大利流心芝士、超甜荷蘭小蕃茄、刀削白靈菇、肉鬆及西班牙香脆麵包 $158
印象中嘅Burrata cheese味道比較清新，配搭麻婆風味嘅醬汁，搖身一變成為一道重口味菜式！喺芝士on top加咗肉鬆，店員話係想模仿麻婆豆腐中嘅肉碎，因為肉碎凍咗冇咁好食，所以就用咗肉鬆，真係虧佢哋諗得到！味道係我最鍾意嘅麻辣，將所有食材放上油炸鬼上面食，口感同味道都好特別，幾欣賞切到薄薄嘅白靈菇，爽滑又有菇菌嘅清香🤤
• 先炆後煎澳洲牛臉頰肉、擔擔風味櫻花蝦煎腸粉 $188
賣相唔算討好但味道好出色！牛臉頰炆得好淋好有膠質，食落有少少黏口嘅感覺，加上櫻花蝦有提香嘅作用！醬汁我覺得同前菜嘅麻婆汁有少少似，都係帶點麻香味，不過麻醬嘅味道就更加濃😌
• 西班牙油炸鬼、配香濃花生忌廉、焦黃煉奶、黑芝麻雪糕 $108
新鮮嘅Churro真係冇得輸，熱辣辣又夠鬆化，配上黑芝麻雪糕同花生忌廉，西式甜品都食到中式風味☺️
• 芝麻花生湯圓 $120
注意返佢唔係糖水，而係Cocktail嚟！上面嘅係花生泡沫，而下底就係Baileys同芝麻味嘅Whiskey，仲配咗粒丸子！飲落其實有啲似奶蓋嘅feel，但佢哋嘅泡沫更加滑身，而且打得幼細綿密，唔會好易消泡。酒落得好足，不過奶感都偏重所以係幾易入口🧡
• 咸檸毯 $120
就係想像得到嘅咸檸+Gin味，好穩陣嘅選擇，Gin酒本身都好啱夾啲fresh嘅調味🥰
张贴
