我地2個人叫左3樣野，我就叫左杯cocktail, 首先講下杯cocktail先，佢叫Apple Spumoni, 入面有Orange juice, apple juice, vodka同gin, 但呢杯野好好飲，橙味勁啲，但加少少既酒香，好易入口亦都好啱女仔飲~
跟住係四式拼盆，入面有雞球、墨魚餅、蝦餅同春卷。一上菜我同朋友都嘩左一聲，因為其實都好大盤，你睇下個蝦餅既厚度，係平時人地既2倍，4樣野都好食，但係我鍾意個春卷，入面有好爽口既蘿蔔，除左個泰式辣醬，佢仲有個自己調既泰式汁，個汁辣辣地酸酸地，好好食~ 而且一上枱每樣野都仲係好熱好脆，正!!
不過我要特別講個火山排骨，佢係最後上，其實食完個拼盤同咖哩已經飽飽地，因為佢份量真係唔細，但係呢個火山排骨一出我地真係嚇親。喂呢個係面盤黎架喎~ 佢唔係淨係個兜大，個排骨都好大塊，佢真係不得了喎。雖然大塊，但係好好味，佢個汁做得好好，佢用左好多香草，酸酸辣辣好開胃，而且個排骨好入味，就算飽我地都各人食左3件，最後要打包~ 不過我地好失儀咁除左個排骨，我地捧起左個面盆倒哂啲汁落個膠盒度一齊帶走LOL，呢個汁如果用黎撈粉食一定會好好食~
1
