Thailand King

营业中

休息中

今日黎到哩間位於尖沙咀既餐廳食泰國菜。餐廳係酒吧餐廳裝潢，用上酒瓶、樹葉、燈泡及日式和紙傘作裝飾。餐牌～🔸泰式生蝦 $138每次食泰國菜都一定會叫生蝦刺身🦐餐廳用保鮮紙隔開啲冰，非常衛生，亦唔怕冰水會影響味道。生蝦新鮮大隻，質感彈牙，上面仲放有蒜蓉同辣椒，醬汁香辣過癮，好食推介👍🏻🔸泰式蝦餅 $98蝦餅大大粒，有成八塊，炸得香脆，蝦肉入口彈牙，用料實在，亦係好食推介👍🏻🔸泰式豬肉碎生菜包 $98餐廳非常貼心，會用個爐坐熱啲肉碎，唔使怕佢好快會凍，可以慢慢品嚐，而肉碎香辣微甜，生菜新鮮爽脆，同樣非常好味。🔸泰式冬陰功河蝦意粉 $168冬陰功味道濃郁，蝦肉新鮮彈牙，配有蕃茄仔同雜菇～🥭芒果糯米飯伴椰子雪葩 $108個甜品份量十足，芒果香甜無渣，糯米口感煙韌，椰漿香醇濃味，最正係個椰子雪葩，椰子味超濃郁，非常好食，椰子控推介👍🏻🥥椰青 $58🍋檸檬薑蜜 $48椰青水勁甜，而且雪過再加上碎冰，凍冰冰好啱夏天飲；香茅薑蜜味道清甜，解辣一流！

今日去咗尖沙咀一間特色嘅泰國串燒酒吧Thailand king ,半開放式設計充滿泰國風情 餐廳老闆同職員都很友善 氣氛很好聽住音樂邊食飯👍🏻👍🏻👍🏻廚師推介食物 我地點咗泰式生蝦$138 生蝦刺身肉質彈牙，夠晒新鮮每一隻嘅size做好大，加上蒜片點上秘撈製酸辣汁 爽口加埋辣汁更加刺激味蕾 正😋蝦頭經炸過當然唔可以放過，蝦味仲要非常濃郁，夠晒新鮮三文魚他他柚子沙律$88特色酸酸甜甜醬汁配生菜非常清爽, 三文魚嘅刺身切成粒粒再混入埋柚子醬，味道非常配合炸物泰式蝦餅$98，炸到蝦肉酥脆彈牙，配埋泰式嘅酸辣醬更加好味 炸蔬菜春卷$ 48（2 條），炸得乾身，並不油膩，入面仲有非常多嘅生菜，炸完之後蔬菜都唔會乾身泰國餐廳必點嘅豬肉生菜包$98生菜份量都好多，豬肉碎特色香葉配辣椒味道係正宗，泰國風味必食，每一啖都充滿香辣嘅味道，而且生菜仲非常新鮮嫩 最後二人飲品，芒果沙冰同埋青蘋果沙冰炎炎夏日飲返兩啖，真係涼透心，唔會太甜夠晒凍 餐廳環境真係好適合三五知己傾吓偈

餐廳半開放式，係酒吧餐廳，最啱放工後同同事黎個happy hour傾計飲嘢，之後仲可以食埋晚飯。廚房亦係開放式設計，睇到兩位年輕人由落單至煮都係佢哋一手包辦，用心地去煮，感受到佢哋嘅心機。餐牌選擇都幾多，我哋叫左小食、咖喱 + 蒜蓉牛油法飽、主食、意粉同埋兩杯飲品。泰式蝦餅：4粒超大粒，切開左一半嘅蝦餅。熱辣辣，好彈牙，點埋旁邊泰式甜醬好好食。泰式青咖喱炒雜菌意粉：完全食得出泰式風味，醬汁青咖喱好甜，有椰漿同香茅味，幾夠辣，雜菌同意粉吸左D醬汁，幾夾幾好味。咖喱軟殻蟹：軟殻蟹兩隻夠大隻，咬落去軟殻蟹好夠熱，炸得好香口。黃咖喱甜甜地，裡面仲有菇、車厘茄同茄子等配料，唔會話只得軟殻蟹好寡，感覺好豐富。蒜蓉牛油法飽：焗得非常鬆脆，好香蒜蓉同牛油味，crossover埋黃咖喱又幾好食。香茅檸檬燒雞：雞燒得好靚，有光澤又唔燶。燒雞size適中，肉嫩juicy，唔肥。外皮搽左蜜糖甜甜地，入口食到輕輕一層香茅同檸檬味，真係好好味，旁邊仲有杯剛炸起嘅粗薯條，整體唔錯。飲品：椰青都幾大個，夠凍夠清甜。老公就叫左個啤酒，佢話夠涼清熱氣。

尖沙咀有間幾特色的泰國串燒酒吧，於是去了尖沙咀加連威老道嘉蘭圍22-22A號地舖～Thailand King~港鐵尖沙咀／尖東站B2出口，步行約6-7分鐘。店內地方不大，但很有特色，裝飾很時尚，半開放空間，最適合慶祝朋友包場，可以自由和朋友享受相交的樂趣。菜譜很豐富，多款佐酒小食、串燒、和炸物。還有多款特色酒類飲品。1.芒果汁$48、橙汁$48酒吧調製的果汁比一般餐廳好飲很多，除了鮮果味濃，還散發陣陣清香。2.三文魚他他柚子沙律$88擺盤相當吸睛，三文魚粒鮮味彈牙，柚子肉粒又脆又甜，混合沙律醬酸甜適中，還有泰式的辛辣，實在非常惹味，是最佳的前菜。3.菠蘿海蝦炒飯$88食材相當豐富，3隻海蝦，鮮甜爽脆。3件香燒新鮮菠蘿，清甜美味。舖滿泰式肉鬆，飯粒分明，爽口彈牙，混雜著新鮮菠蘿肉粒，每口令人飽足又滿足。4.豬肉生菜包$98上枱時很特別，肉鬆用火爐微熱著的，肉碎味道是酸甜帶點辣，新鮮脆生菜包著肉鬆，非常惹味又爽口。5.炸香茅軟殼蟹兩隻$138軟殼蟹炸至金黃色極脆口，外脆肉嫩，配上泰式辣醬，佐酒真是一流的選擇。

🍴泰式豬肉碎生菜包98 蚊🐷🥬生菜包 生菜新鮮 肉碎料用火熱住 有好多香料辣椒同肉碎切得細粒剛好 個醬汁超正 醉辣開胃 有 d似冬蔭公汁 正 夠哂惹味🍴火山排骨 248 蚊🐷🔥用個兜兜住好多醬料 有車厘茄 青檸香芧等等 個醬汁酸辣開胃 排骨 整得好軟淋 骨肉易咬開 盡吸酸辣汁 好惹味🌶️🍴咖喱軟殻蟹 138 蚊🦀咖喱汁好香濃 黃咖喱有少少辣 應該有少少蛋 帶 d 香滑 有好多香脆 有雞脾菇 茄子 翠肉瓜 軟殻蟹 好香脆 大大隻既兩隻 同咖喱好 match 🍴加24 蚊泰式薄餅 🍞好香脆既薄餅 厚度適中 點埋咖喱 好正 🍴mango smoothie 58 蚊🥭🍴green apple smoothie 58 蚊🍏🍴芒果糯米飯配椰子雪葩108 蚊🍚🥭糯米飯用左白糯米 好彈牙 椰子雪葩 比較似雪糕 椰子味香 配埋香甜芒果 好滿足#泰國菜 #排骨 #冬蔭功 #奶昔 #咖喱 #薄餅 #軟殻蟹 #生菜包 Score 平均分< 8/10>Taste 味道：👍🏻👍🏻👍🏻👍🏻Present 外觀：👍🏻👍🏻👍🏻👍🏻Decor&Hygiene 環境衞生：👍🏻👍🏻👍🏻👍🏻Value fo

呢間餐廳好特別，係一間開放式泰國酒吧餐廳，店內用咗好多小雨傘、空酒樽黎做裝飾，充滿泰國風情，一路食飯會一路播住音樂；餐廳座位唔算好多，但係環境整齊，雖然係開放式但冷氣充足，一D都唔覺得悶熱😌一坐低，Staff就同我地講有happy hour，不過我同肺部都唔飲酒，所以冇叫到。而餐牌嘅嘢食嘢飲選擇種類有好多，一般泰國餐廳嘅叮食都有，仲會有埋其他種類嘅串燒，方便客人配合啤酒食用；價錢唔算貴，但嘢食份量都多，我哋2個人差D食唔晒🤪📝餐牌嘅嘢食嘢飲選擇種類有好多，我地order左以下食物:💁‍♀️泰式蝦餅 $98新鮮即炸，蝦肉好彈牙，配埋泰式辣醬食，好好味! 特別一提，放左一陣再食，個心依然都係熱熱地架!)💁‍♀️泰式豬肉碎生菜包 $98味道有少少辣辣地，食得出用咗好多香料一齊炒，生菜好新鮮，包埋豬肉一啖咬落去好味~(呢度嘅生菜包有全素或豬肉，我地就揀左豬肉版，不過好欣賞佢哋對素食者嘅體貼)🥰💁‍♀️泰式菠蘿炒飯 $88同平時係其他泰國餐廳食到嘅好唔同，用咗新鮮菠蘿+大蝦+肉鬆一齊炒，菠蘿同大蝦大大舊，而且都好鮮甜，正😆💁‍♀️香茅煮花蜆 $138加左香茅同其他調味料煮，香茅嘅香氣好清新，花蜆肉質鮮嫩

呢個食評有些少遲了，用餐當日係4月29號😂其實呢間算係酒吧餐廳，個水吧位都幾寛闊。我哋一共七位，點解大熱嘅泰式食物： 泰式生蝦、三文魚他他柚子沙律、炭燒豬頸肉、泰式生菜包、火山骨、清炒椰菜苗、紅咖喱雞配法式蒜蒜包， 另叫咗Asahi beer tower , 當時佢哋有個promotion，叫tower送薯片，$2xx 7人share 好合理，我哋食晒正餐先記起叫侍應妹妹比薯片我哋，原來係整筒品客薯片😚😍食物方面我精簡啲講：生蝦大隻，蝦肉結實👍👍👍生菜包既炒豬肉碎味道正常，生菜份量多👍👍炭燒豬頸肉外脆內軟，個汁調得好味👍👍👍火山骨一份共12支細骨，我見過有餐廳係好大盆嘅，佢呢份算係迷你版，骨都夠腍，個汁帶酸辣，好開胃，味道適合我👍👍👍三文魚他他柚子沙律要讚吓，三文魚蓉好嫩，冇腥味，配埋柚子食好清新，但係份量唔多，2-4人分享剛剛好（因為好食到想食多啲）👍👍👍紅咖喱雞配法包個人覺得中規中矩，反而籃蒜蓉包令大家眼前一亮，有咗哩籃包唔需要另外再叫炒粉麵飯😂炒椰菜苗係第一次試，好少泰式餐廳冇炒通菜，不過椰菜苗都有另一番口味，炒得香亦唔會太油👍👍一間餐廳要所有食評都係😋真係實力嘅證明：價錢合理，

同朋友不約而同都話好想食泰國菜。去左間位於尖沙咀既泰國酒吧餐廳，夠哂方便。餐廳裝潢幾骨緻，天花板用左一把把鮮豔既雨傘作為裝飾，環境氣氛都不錯。🦐泰式生蝦 $138生蝦肉質厚身爽嫩，蝦味鮮甜，爽口彈牙，配泰式酸辣汁。雖然好辣但又忍唔住沾，越食越惹味！蝦頭即叫即炸，富有濃郁蝦膏，鮮甜甘美。泰式蝦餅 $98蝦味濃郁，彈牙有口感，蝦餅炸得好香脆而且份量都幾多，配上酸酸辣辣既泰式辣醬，食唔停口。​🐷泰式豬頸肉 $88豬頸肉外層微微焦香，肉質爽口彈牙，香口又惹味。燒雞全翼 $48雞翼燒到好香口，嫰滑入味。香茅煮花蜆 $138呢個組合幾特別，香茅冇搶去蜆肉的獨特味道，還加添了夏日清新的香味。香茅和椰青令蜆肉錦上添花，🐽泰式豬肉碎生菜包 $98生菜包係食泰國菜必點既菜式！生菜新鮮清爽包住香濃惹味既辣肉碎，加上各式香料點綴，口感豐富刺激味蕾👍🏻。Mango Smoothie $58芒果味清甜香濃，口感細滑，透心涼之餘好解辣。Young Coconut $58椰青清甜消暑。

今日係尖沙咀利時買完野，行過見到呢間泰國餐廳好似幾多人食緊，望入去其他人人食緊啲嘢食又幾吸引，就walk in 入去食。三文魚他他柚子沙律$88好多三文魚粒，加上柚子肉，芫荽，好有口感，配以酸酸辣辣嘅醬，夏天食覺得好開胃😍😍燒豬頸肉$88 一上枱就聞到好香嘅炭燒味，份量比想像中多，豬頸肉爽口又入味😋😋菠蘿海蝦炒飯$88炒飯上面有兩舊燒菠蘿同兩隻蝦，菠蘿有輕微燒過，好甜好多汁，蝦好爽口新鮮，炒飯啲飯粒粒分明，好有鑊氣👍👍燒豬仔骨伴薯條$298好大份，有三大舊豬仔骨，啲醃料好入味，肉質又唔會過乾，配菜有波浪薯條同西蘭花仲有菇☺️☺️芒果沙冰$58甜甜的，仲有啲新鮮芒果粒，夏天飲真係好fresh🤤🤤牛奶朱古力$48正常發揮水準🥰🥰餐廳係open kitchen，睇到兩個廚師大家好夾同好有心機咁烹調嘢食，雖然係open kitchen但係冇油煙味，呢個要一讚👍👍👍👍👍

幾個月前去完泰國，總是掛住夜市裡火山排骨的味道，於是乎系openrice搵到尼间有火山排骨的泰國菜。酒吧形式的餐廳，琳瑯滿目各种各样的酒擺滿吧台，氣氛好適合三五朋友小聚。火山排骨真是surprise，有10-12條豬肋骨，肉煮得比較嫩，浸系秘製的辣汁中，酸辣開胃，辣中又感受到肉汁，啱曬食肉獸，一份排骨兩個人啱啱好。菠蘿海蝦炒飯三四條勁大條的海蝦，菠蘿塊跟肉鬆添加炒飯口感，飯粒粒粒分明，味道亦啱啱好，系菠蘿炒飯中相當優秀。香茅軟殼蟹都出乎意料，外殼炸得酥酥脆脆，內餡又鮮又香，淡淡香茅味，一份兩只，切成四件，份量都令人滿意。甜品是芒果糯米飯伴椰子雪葩，芒果飯上的椰漿有啲斑斕糕的口感，少少鹹味，同糯米飯一齊就非常驚艷，又香又滑，仿佛置身椰子盛宴。椰子雪葩一定要點，雪糕非常香滑，一絲冰沙都沒有感受到，匙羹細細個一小口接一小口，根本唔捨得太快食完。飲品特地點做芒果冰沙跟apple spumoni，好搭尼間餐廳的風格。

尖東行完街，發現哩間酒吧，裡面原來有泰國菜食、有含酒精及普通一般飲品飲。我和朋友兩個人各自點了杯Coctail 放鬆一下個人，我果杯 Mojito Blueberry, 飲落淡淡清新薄荷+藍莓味朋友就點了Tequila Sunrise, 飲落酸酸甜甜望下Meau,點左幾款伴酒小食順道食埋晚餐，拼盤、炒椰菜苗、香芧煮花蜆等。。。哩度落單、烹調、執枱到上菜，都係由兩位年輕人主力操作，佢哋落力地一手包辦所有工作，食物又唔會等好耐先有，真係值得欣賞。香茅煮花蜆先上枱，侍應先擺低個吉大碗，大碗原來係比我地擺蜆殼用，入口第一啖的蜆鮮嫩、無沙，粒粒火候都控制得岩岩好，唔會痴住個殼，係粒粒都可以完整地擺入口，送酒簡直一流。炒椰菜苗：蒜味濃郁，哩度既椰菜苗係貨真價實既椰菜苗，唔同出面其它餐廳一粒粒圓形傳統果款。四式拼盤：有墨魚粟米餅、炸雞塊、炸蝦餅、蔬菜春卷，要讚一下餐廳將炸物唔係炸到金黃色但依然有香脆口感，食落無咁易熱氣上火。墨魚餅中，廚師加入粟米粒令到口感更有層次，蝦餅肉質彈牙紮實，配埋兩款泰式酸辣醬點綴，更加美味。炸蔬菜春卷，炸得好乾身，咬落保留到當中蔬菜餡既爽口，又唔會油膩。最後點多份冬陰功湯飲

喺厚福街經過條巷仔直行50米左右就會見到呢間巷仔入邊嘅泰式bar👀感覺幾闊落舒適，無論係一家大細定係想同三五知己飲酒🍻睇波都好適合💯另外門口有霓虹燈掛牌👀氣氛感十足✨泰式生蝦 $138有炸得香脆入味嘅蝦頭！生蝦都多肉，但個人略嫌肉質唔夠彈牙🥲味道方面都唔錯👍🏻配上泰式酸辣汁😋正✨香茅檸檬燒原隻春雞 $238俾佢嘅份量驚艷到😮冇諗過仲有薯條同埋雜菜做配菜，個人絕對食唔晒😮薯條好香椒鹽味，春雞燒得好香，但香茅檸檬味唔算重👀皮脆肉嫩✨泰式花膠冬蔭公湯 $78微酸辣😋椰漿味唔算好重，個人覺得好香口！另外有份量十足嘅大蝦🍤非常抵嗌，適合兩至三個人一齊飲，最緊要嘅係唔會浮油浮得好勁👍🏻✨泰式豬頸肉 $88💯新鮮燒起嘅豬頸肉🫶🏻熱辣辣🔥入口外皮仲好脆，加上泰式酸辣汁👍🏻份量都唔細，值得一嗌！✨泰式炒西蘭花🥦 $88擺盤幾精美，非常惹味😋有炸蒜同埋蕃茄仔作配菜✨Americano $38✨Mango Smoothie $58👀份量好大，有啲薄荷葉同埋芒果粒做點綴，味道好天然芒果🥭唔會有糖漿味，但個人覺得冰粒可以再磨得細軟啲👀✨另外都有唔少酒精🍷飲品可以選擇

店內主打泰國小菜，包括咖喱、小炒、冬蔭功等，飲品亦有很多種可以選擇，樣樣都大大份價錢10分超值～ 菜式推介 必食超好味巨型火山骨♥️ 餐廳貼心地準備膠手套，方便大家拎起排骨用手食，豬脊骨以多種泰國香料醃製和燉煮，配合酸辣感滿分的辣椒蒜頭荽茜醬汁 ...太好吃了！ 一口又一口吃過不停！菠蘿海鮮炒飯♥️ 泰國的一道經典菜，菠蘿酸酸甜甜，多汁味甜，配上炒飯加上特色的調料和小料，一道很開胃的菜式，海蝦也大大隻，口感新鮮～

尖沙咀半開放式酒吧餐廳🥃-放工去飲嘢順便食埋晚餐，見到呢間好似唔錯，所以就入去試吓😙-🐽燒豬仔骨伴薯條 ($298)份量都幾足，一共有三嚿豬仔骨，調味偏甜，色水都幾靚，薯條都夠外脆內軟，不過略嫌豬仔骨唔係好夠腍，同埋可以再入味多少少🫡🐷燒豬頸肉 ($88)醬汁好有泰式風味，酸酸辣辣幾開胃，同埋可以中和豬頸肉嘅油膩，燒豬頸肉幾香口，熟度都唔錯☺️🦐泰式生蝦刺身 ($138)一共有六隻，配上醬汁幾清爽，如果肉質再爽啲就更好啦😙🐂安格斯牛肉沙律 ($108)味道偏辣，酸酸地幾開胃，沙律菜份量好多，牛肉略嫌有少少過熟，不過個味道送酒好啱😗🍹Pina colada ($88)飲落比想像中份量多，菠蘿味幾足，酒味唔出，幾推介大家試😋🥭Mango smoothie ($58)份量一樣都係大大杯，不過冰沙可以再細啲，口感就會再順滑啲🫡餐廳喺加連威老道，有幾張枱係半開放式，感覺幾chill，菜式方面以泰式fusion菜為主，酒精飲品幾出色~放工嚟飲兩杯都唔錯！味道 7/10服務 7.5/10環境 7/10回頭率7/10總評 7/10😋🤍人均消費 ~$400💰-📍Thailand King 尖沙咀加連威老道

今日喺尖沙咀發掘到呢間好有氣氛嘅酒吧餐廳🍸 好岩成班fd飲嘢打卡 一睇餐牌已經見到好多特色cocktails🍹同佐酒小食。不過今次同朋友試咗青蘋果smoothie 同檸檬茶，飲品巨型size ，岩哂一邊傾計一邊飲同朋友叫咗幾款串燒，十分推介焦糖燒菠蘿 。燒菠蘿已經夠好食，上面再加上焦糖，酸酸甜甜好有口感。另外試咗一口西冷牛，一口一啖👍🏻燒豬頸肉好香口，配埋酸辣醬汁加分！食泰國菜必叫之一：生蝦刺身👍🏻生蝦size幾大，夾住蒜頭辣椒，加埋特製醬汁，好有泰國風味。呢度特別嘅係會些埋炸蝦頭🍤 食完刺身可以原汁原味食埋個蝦頭🫶🏻小食選擇好多，樣樣都想試下 ，所以試咗小食拼盤。四樣小食有炸墨魚餅、炸蝦餅、春卷同埋炸雞球。雖然全部係炸物，但完全無油膩感覺，炸到好鬆脆，值得一試！炒雜菜好足料，份量好多🥦食泰國嘢梗係要食芒果糯米飯做甜品🥭擺盤好靚，味道都抵讚！加埋椰子雪葩，好香椰子味🥥，連埋個椰殼上碟，打卡一流！如果要同大班朋友飲嘢chill下，會再嚟Thailand king🇹🇭，下次要試試特色cocktails