影片
更多
2025-04-07
192 浏览
一向最愛中菜嘅我… 見到大家 share 呢間水準米之蓮集團中菜, 早就心心眼了, 抱住超滿滿嘅期待而黎! 熗拌濰坊鮮蘿卜皮超脆口! 調味恰好, 空口連續食都可以!!!我鍾意呢個啊, 坊間好難得做得咁好, 毫無化學感, 一直夾黎食~ 堂切垛子牛肉片片透薄晶瑩, 鮮鮮微鹹香 我地都鍾意呢!豐富味道 輕盈口感, 啱曬為嚟緊嘅晚餐做好準備~ 松茸清湯雞豆花好清香 感覺好矜貴, 養生感十足, 覺得飲咗會變靚~ 唔捨得浪費, 飲到一滴都唔剩~成都青花椒毛血旺呢個又係要推介嘅好味菜!做得好好, 感受得到對食材嘅認真, 超乾淨企理, 毫無坊間嘅壓味怪口感, 麻辣配方恰到好處, 食得好過癮!魚籽醬烤鴨配煎餅超級鍾意烤鴨嘅我, 絕對係為咗呢個菜式而嚟!抱住超級大期望, 仲忍唔住 响烤鴨房門口睇師傅烤鴨添~ 真係超級好食!鴨皮鴨肉 味道 口感 比例 一切一切 都控制得好好! 有油香 但係毫不油膩! 素煎餅皮 除咗樣靚 質感都係好好的~ 最正係呢個烤鴨 係用魚子醬嚟提味!!! 完全冇諗過可以咁夾, 咁昇華! 令平時怕烤鴨醬汁嘅我, 真係好感動! 呢件 係我喺香港食過最好味嘅烤鴨!一直超期待脹卜卜飽滿滿嘅烤鴨
一向最愛中菜嘅我…
見到大家 share 呢間水準米之蓮集團中菜, 早就心心眼了, 抱住超滿滿嘅期待而黎!
熗拌濰坊鮮蘿卜皮
超脆口! 調味恰好, 空口連續食都可以!!!
我鍾意呢個啊, 坊間好難得做得咁好, 毫無化學感, 一直夾黎食~
堂切垛子牛肉
片片透薄晶瑩, 鮮鮮微鹹香 我地都鍾意呢!
豐富味道 輕盈口感, 啱曬為嚟緊嘅晚餐做好準備~
松茸清湯雞豆花
好清香 感覺好矜貴, 養生感十足, 覺得飲咗會變靚~ 唔捨得浪費, 飲到一滴都唔剩~
成都青花椒毛血旺
呢個又係要推介嘅好味菜!
做得好好, 感受得到對食材嘅認真, 超乾淨企理, 毫無坊間嘅壓味怪口感, 麻辣配方恰到好處, 食得好過癮!
魚籽醬烤鴨配煎餅
超級鍾意烤鴨嘅我, 絕對係為咗呢個菜式而嚟!
抱住超級大期望, 仲忍唔住 响烤鴨房門口睇師傅烤鴨添~
真係超級好食!
鴨皮鴨肉 味道 口感 比例 一切一切 都控制得好好! 有油香 但係毫不油膩! 素煎餅皮 除咗樣靚 質感都係好好的~
最正係呢個烤鴨 係用魚子醬嚟提味!!! 完全冇諗過可以咁夾, 咁昇華! 令平時怕烤鴨醬汁嘅我, 真係好感動!
呢件 係我喺香港食過最好味嘅烤鴨!
一直超期待脹卜卜飽滿滿嘅烤鴨送黎…
睇師傅烤鴨嘅時候, 店姐姐同我講, 烤鴨係要先至會燒架!
可惜嘅係, 送黎嘅時候 鴨已經切開過, serve 過一份了… 入番烤房 再出嚟嘅烤鴨…
睇住師傅架車推埋黎時, 我傷心咗, 心機都無埋…
不過唔緊要啦, 都叫做見到過送去其他枱 脹卜卜勁吸引嘅烤鴨嘛~
海捕大蝦燒膠州白菜
估唔到 膠州白菜係咁好食, 清甜 而且質感好好! 吸收晒蝦嘅精華, 超級鮮味呀!
連平時唔鍾意食菜嘅佢, 都猛咁讚 猛咁食呢~
仲話全餐呢個菜最好味添! 真犀利~
慕斯大油條 配 腐乳慕斯 . 鳳梨慕斯上枱時忍唔住哇一聲!
(雖然我哋刨好咗OpenRice, 有心理準備佢好大的… 但係實物都係好震撼的!!!)
巨大化嘅油炸鬼 超級脆!
配 菠蘿moose + 爆珠, 意想不到嘅效果, 有驚喜!
鍾意呢個清新感覺呢!
阿胶丝滑酸奶
係爭在阿膠碗內壁連碗邊幾 messy下…
相信只係送餐時 kick 1 kick chok 到而已,
我盡量避重就輕 影得靚啲了~
戲曲主題嘅大廳吸引; 連包廂們 都各有等色呢~ 路過見到 花主題 / 波波燈主題等等, 都簡約高雅, 感覺好好!
無論裝修 同埋菜式, 水準都係超級好~
成件事好有feel!
感受到餐廳想將中菜做到極致, 嗰種一絲不苟嘅執著! 欣賞連枱布摺痕都細心熨直直嘅細膩, 哥份堅持嘅原意, 要讚!
如果再留意埋啲細節位,
例如: 上菜節奏, 介紹一下菜式特色/做法, 記得承諾咗通知客人睇出爐, 擺盤保持精緻企理…
成個用餐體驗就更美滿, 可以更弘揚中菜, 發揚國粹精神外 同時能令增加食客同餐廳嘅聯繫呢~
张贴
