影片
更多
2017-04-07
1896 浏览
元朗有三間好出名嘅日式「omakase」，鮨文、壽司源同今日要介紹嘅壽司之神！omakase就係解「廚師發板」，最能夠睇得出一個廚師對食材嘅理解度同季節性嘅控制，依家越來越多地方開omakase，不過好多都質素好差🤦🏻♂️正確啲來講係「掛羊頭賣狗肉」！不過今次食壽司之神，佢地omakase既質素絕對係保持得最好👍🏼廚師發板10貫壽司-HKD700$套餐入邊包括，前菜、壽司、卷物、湯、甜品。每一個步驟都唔馬虎，今次前菜係金箔花蟹黑松露鵝肝蒸蛋鵝肝嘅油香配合蒸蛋有效咁降低佢嘅油膩感。壽司方面一定要數上面一件蓮子鯛，魚肉用醬油漬嘅方式，上面再加上黃芥辣點綴，充分帶出魚肉的鮮味！其次一定要數佢哋嘅馬糞海膽同大拖羅！對比其他個兩間，完全食得出壽司之神嘅食材更加新鮮不得不提這個鹽燒拖羅筋，廚師選用吞拿魚最肥嘅位置，正常來講，日本餐廳係唔會買比客人，通常係熟客先至會知道嘅隱藏菜色，外層燒得非常香脆，鹽嘅份量亦都落得非常平均，用嚟送日本清酒真係一流！卷物方面，餐廳為我地安排左鐵火卷同青瓜乾瓢卷，鐵火卷嘅特別用咗紅酒醋，去除之前比較重味既口腔，乾瓢煮得非常之入味，配上青瓜絲，清爽嘅口感更加一掃之前嘅油膩
omakase就係解「廚師發板」，最能夠睇得出一個廚師對食材嘅理解度同季節性嘅控制，依家越來越多地方開omakase，不過好多都質素好差🤦🏻♂️正確啲來講係「掛羊頭賣狗肉」！不過今次食壽司之神，佢地omakase既質素絕對係保持得最好👍🏼
廚師發板10貫壽司-HKD700$套餐入邊包括，前菜、壽司、卷物、湯、甜品。每一個步驟都唔馬虎，今次前菜係金箔花蟹黑松露鵝肝蒸蛋
鵝肝嘅油香配合蒸蛋有效咁降低佢嘅油膩感。
壽司方面一定要數上面一件蓮子鯛，魚肉用醬油漬嘅方式，上面再加上黃芥辣點綴，充分帶出魚肉的鮮味！
其次一定要數佢哋嘅馬糞海膽同大拖羅！對比其他個兩間，完全食得出壽司之神嘅食材更加新鮮
不得不提這個鹽燒拖羅筋，廚師選用吞拿魚最肥嘅位置，正常來講，日本餐廳係唔會買比客人，通常係熟客先至會知道嘅隱藏菜色，外層燒得非常香脆，鹽嘅份量亦都落得非常平均，用嚟送日本清酒真係一流！
卷物方面，餐廳為我地安排左鐵火卷同青瓜乾瓢卷，鐵火卷嘅特別用咗紅酒醋，去除之前比較重味既口腔，乾瓢煮得非常之入味，配上青瓜絲，清爽嘅口感更加一掃之前嘅油膩感！
廣島蠔雪花煮，湯底用咗白蘿蔔海帶煮成，味道清甜，配上新鮮炸好嘅廣島蠔，簡單又美味，不過略嫌蠔味不重
最後當然要食甜品，我選擇咗芝麻雪糕，味道方便唔太特別，不過有甜品先係完美嘅終結。整體來說食材嘅新鮮度同成份餐單嘅完成到都幾高😘希望下次可以食到另一啲當季既新餐單！
张贴
