叁淥火鍋 (已結業)

今日又去元朗行街街，晚飯一早已book定在"叁淥"打邊爐，因為好想飲佢個海魚湯。店子十分寬敞，裝修颇有特色，座位乾淨舒適，令人食得安心又放心。辣子雞軟骨$78~ 雞軟骨炸得非常鬆脆， 配上花生，辣椒，花椒和芝麻，香香辣辣，十分惹味！花膠原條海斑魚湯$398~湯底以大量海魚仔熬製，加入雜菌和腐竹；先把花膠和海斑頭放落湯底焗5分鐘，先飲湯，後打邊爐。魚湯魚味十分濃郁，呈奶白色，很黏口，很美味。花膠唔算太細隻，黏口有彈性，索了魚湯更好味。原條海斑份量頗多，魚肉滑嫩，彈牙鮮甜，正！海鮮拼盤$308~有蘇格蘭蟶子，台山蠔，海中蝦，和沙白蜆，質素很不錯。海中蝦口感鮮甜爽脆， 蘇格蘭蟶子肉質爽彈。台山蠔味清，沙白蜆不算大隻但味清甜。美國安格斯頂級牛頸脊$268~ 肉質鮮嫩爽滑，油花分佈均勻，肉味香濃，好好味呀！即炸紫菜響鈴$68~口感非常鬆脆， 裏面包滿紫菜，配酸甜汁十分美味。手打蟹籽墨魚丸(半份)$48~墨魚丸彈牙，表面鋪滿蟹籽十分滋味。潮州純牛筋丸(4粒)$38~牛筋丸牛味香濃，口感爽彈。潮州白魚蛋$32~鬆軟滑溜，魚味濃。