寿司の神 (已結業)

我個friend話元朗有間壽司店做得好出色，所以帶左我黎慶祝生日，入到店內位置不大，但地方環境清潔乾淨有質數。陣陣既日本獨特氣息滲出黎。Friend提議食廚師發板。唔使諗唔使煩，反工我地什麼都會食。前菜個豆腐加左d汁醬好香好滑，普通既豆腐都可以整得咁有heart, 前菜個蝦亦好爽彈加左d松露調味,更加吸引香濃。刺身赤貝好鮮味可口，又有深海池魚加左d薑葱好濃味，魚味十足。壽司亦好出色。有件壽司係上層蟹膏之後係蟹肉，蟹膏蟹肉超鮮味~甘香叫絕。聽店員介紹係日本花蟹來的！超yummy呢~仲有筋子，即係三文魚籽~加左d柚子皮令到口感更提升！海膽壽司堆得飽滿y, 入口極具鮮味而且柔滑細緻，配上薄紫菜和壽司飯，味道令人回味無窮。炸物既天婦羅既粉漿好薄~最怕食到成口油硬崩崩，有隻叫(慕容)既天婦羅好正~入面既香菇味仍然保持到~水份充足唔乾身~仲有個蕃薯入口粉粉地~口感一流。最後食埋個雪糕牛奶鹽味，低調得黎帶點出色，清清香香！完美結局。肚子超飽喔~多謝朋友既生日飯。