蟹仙海鮮蒸氣鍋 (已結業)

第一次在元朗吃這種蒸鍋，感覺良好，9選5食材夠新鮮，龍躉肉片爽口彈牙，果晚4個人去食，可以叫晒9樣來試，其他配菜(任食)都同樣新鮮，最頂癮竟然可以蒸叉燒包，我地當然冇叫，兩個鐘真係食唔切，主角出場，第一次揀咗水蟹(每次一個人只可叫一隻)，好新鮮，齊腳，清甜！見到隔離枱叫肉蟹，好大隻，於是第二三四次都係專攻肉蟹，啖啖實肉，新鮮冇泥味，女店員(應該係老闆娘)仲教我地食蟹攻略，佢話最高峰兩個小時可以食5隻，我地都算有交代，食咗4隻，以為完了，仲未，蒸鍋下面的粥底，集合咗4x4=16隻蟹既精華，鮮甜到唔知點形容，總結一個字，好，如果是吃三個鐘的話，更加好！