影片
更多
2015-05-17
667 浏览
放工同友人為了慰勞連日辛苦工作的自己, 我地就揀左係元朗既高檔次壽司, 因為之前友人試過由師傅發辦既即席壽司刺身料理, 覺得唔使點用腦諗, 味道又不錯所以帶左我黎呢度...一入餐廳已經有一檯客人(人數約6位)同壽司師傅談天說地, 不時大家都互相較量日語, 由此可見呢度既師傅當每位客人係朋友, 用心去料理食物對擺餐廳擺設都是一絲不苟...招待我地既係"培師傅", 為我地準備了好多時令漬物(新鮮淮山、蔥頭、牛旁)做前菜, 而當中我比較喜歡鮮淮山, 淮山口感似食馬蹄, 入口有黏黏"立立"既感覺(以前細個我都有食過舅婆種既新鮮淮山, 但口感就同今晚食到既不一樣)好了開始今晚既刺身料理喇! 首先師傅問我地兩個有冇咩魚係唔食..(好細心啊)我地答"冇"之後佢就開始發辦了...一黎就係左口魚、同左口魚邊配一個特制酸汁(原來食刺身唔係一定點豉油架@@), 到食鱸魚--師傅建議點少少wasabi、豉油, 咁就可以帶到個鮮味出黎, 海螺用同樣既方式去食, 說真的...味道很鮮味啊!!食左啲淡味既刺身後, 我地向壽司進發~~~又係啦...由淡至濃咁食--深海鮨魚→日本紅衫魚→金目鯛; 鮨魚同日本紅衫魚中間有
一入餐廳已經有一檯客人(人數約6位)同壽司師傅談天說地, 不時大家都互相較量日語, 由此可見呢度既師傅當每位客人係朋友, 用心去料理食物
對擺餐廳擺設都是一絲不苟...招待我地既係"培師傅", 為我地準備了好多時令漬物(新鮮淮山、蔥頭、牛旁)做前菜, 而當中我比較喜歡鮮淮山, 淮山口感似食馬蹄, 入口有黏黏"立立"既感覺(以前細個我都有食過舅婆種既新鮮淮山, 但口感就同今晚食到既不一樣)
好了開始今晚既刺身料理喇! 首先師傅問我地兩個有冇咩魚係唔食..(好細心啊)我地答"冇"之後佢就開始發辦了...一黎就係左口魚、同左口魚邊配一個特制酸汁(原來食刺身唔係一定點豉油架@@), 到食鱸魚--師傅建議點少少wasabi、豉油, 咁就可以帶到個鮮味出黎, 海螺用同樣既方式去食, 說真的...味道很鮮味啊!!
食左啲淡味既刺身後, 我地向壽司進發~~~又係啦...由淡至濃咁食--深海鮨魚→日本紅衫魚→金目鯛; 鮨魚同日本紅衫魚中間有少量wasabi, 幾易入口; 金目鯛就落左啲海鹽加輕輕咁用火槍燒過~yummy yummy
小黃魚→木魚→新鮮北寄貝; 小黃魚在下覺得有點腥, 但友人就話可以接受既腥味; 木魚壽司好特別師傅係上面油左層蒜油; 北寄貝--說真的我真係唔認得佢(因為平時見到既都係烚熟左變左紅色), 不過入口又唔錯喎!有陣淡淡的香味
八爪魚→瘦吞拿魚腩→即興加插紫蘇小卷;食完八爪孫, 師傅又問我地鍾意食點樣既吞拿魚腩, 我地都係答無所謂, 咁佢就揀左佢自己喜歡既瘦吞拿魚腩, 哈哈可能我唔太好魚腩啦, 入口有點膩啊! 係等待天婦羅既時候, 佢就問我地食唔食紫蘇架?見我地擰頭, 佢就整左個令我地對紫蘇改觀既"紫蘇小卷-有少少梅醬"
天婦羅---嘩嘩嘩~好彈牙既虎蝦啊!另一種食法既紅衫魚, 好juicy~正!平時食天婦羅都會點魚露, 而我就會點豉油, 但係呢度就乜都冇點就咁食已經大滿足了!
佢地呢度既手卷好有特式, 就係有別於平時見到既"錐形"而係"柱狀", 師傅話後者會令餡料均勻分佈, 唔會好似前者咁頭一啖係餡, 食到尾淨係得飯..海膽手卷→吞拿魚蓉手卷→鰻魚飯→柚子雪芭; 超新鮮、大大隻、勁飽滿既海膽~~~好鮮甜...海膽同飯比例岩岩好唔會好似出面食開咁飯多過餸; 另外的吞拿魚蓉手卷應該都係"功夫菜", 眼見師傅佢好落力咁刴再撈埋其他配料先可以完成...;鰻魚飯--又係同平時唔一樣既處理手法, 所以鰻魚入口有彈牙既口感; 係食柚子雪芭個陣師傅同我地講解佢地呢行對食材既執著, 又話俾我地呢兩個外行人聽壽司飯既溫度要同人既體溫差唔多...等等...
张贴
