叁淥火鍋 (已結業)

冬天係打邊爐既好時節，趁天氣未變暖要打多啲邊爐，今日同媽媽係元朗行街，天黑就係大馬路附近既叁淥火鍋打邊爐湯底款式都幾多，而且有啲都幾特別，好似爆醬龍蝦雞煲咁，我諗好少港式邊爐會有龍蝦，不過我同媽媽就想要啲入味少少既湯底，就揀要左個馬拉沙嗲湯，可以揀拼牛腩或豬雜，我地就要左牛腩個湯底比想像中驚喜，個湯底非常濃，當湯飲都得，入面有大量芽菜、豆腐、牛腩同豬皮，牛腩煮得好入味，唔會太肥得黎又易入口，唔會好多筋底者好鞋，我媽媽勁鐘意食豬皮，但最後真係飽到牛腩同豬皮都食唔哂中蟶子好大隻，淥一淥就食得，好彈牙，好有鮮味，仲送左幾隻沙白即炸紫菜響玲真係即炸，上台仲係熱辣辣，除左可以拎去淥吸湯外，仲配左甜酸醬，可以就咁點黎食，估唔到配甜酸醬可以咁夾，仲勁脆一咬就碎，勁香口西洋菜好大籃， 食到咁上下食下菜可以解膩，d菜都好新鮮西班牙無激素豚肉片擺盤好靚好岩打卡，擺成一個火山形狀，中間仲放左d乾冰，一上台仙氣飄飄咁，影相好靚。d豚肉片肥瘦均稱，咬落去有少少肥肉比較易入口，唔會好un但又唔會成口肥膏，果然靚肉手打四寶丸 分別係鮮蝦、墨魚、 牛肉同鯪魚肉打成既丸。全部都好鮮嫩彈牙，而且好明顯分到邊款肉打邊款肉，