焰拉麵 (已結業)

元朗有好多好野食，呢間焰拉麵都開左一段時間，今次首次去食都算唔錯。山松焰嘅湯底係野菌松露豬骨湯，湯味濃郁，面頭有些松露，食落去味道清新，濃濃嘅湯汁，菇味都好濃郁。內裏有塊叉燒，都整得幾靚，又唔會韌。再夾d生蒜落去，味道更佳，多左d蒜味，會有另一種口感。另加個板燒雞扒，雞扒外皮整得好脆，肉質軟熟，咬落去會聽到外皮脆口嘅程度，配搭埋D醬汁，整得好好食。