鮨文 (裝修中)

終於能夠一嚐呢間元朗出名既廚師發板，呢間餐廳響黃埔開左分店，元朗店既質素會唔會因此有影響呢？壽司店無論門面定室內坐位擺設都同日本既壽司店非常相似，吧枱位置既十個座位都可以清楚見到師傅製作壽司，所以有得揀我一定會揀吧枱。先黎前菜：《三文魚子蒸蛋》《毛蟹肉》蟹肉上附有蟹膏配醋，蟹肉味道唔係咁突出，但加左蟹膏後，令整個菜式既味道變得鮮味香濃。《帆立貝天婦羅》炸過既帆立貝外層金黃，用紫菜包住更加添香脆口感。帆立貝肉質彈牙而鮮甜，口感不俗。《壽司》平目鯛-爽口，魚味較淡墨魷魚-深海池魚牡丹蝦+新鮮蝦子-藍綠色既蝦子令人大開眼界，師傅話係新鮮既蝦內取出先有咁既顏色。味道方面，其實我覺得牡丹蝦本身已經鮮甜美味，綠色蝦子只係啅頭而已。鱈魚-加上甜麵豉醬大拖羅-樣貌同平時既拖羅唔係太似樣，但入口即溶，無可挑剔三文魚子-《鮨文海膽杯》一板海膽大概做到2.5杯海膽杯，見到師傅不停疊高再疊高，真係好治癒。欣賞有個肥仔師傅好堅持將蝦尾放到靚一靚直一直先放到客人面前，賣相好影響對呢間餐廳既印象同感覺。海膽味道甘香，大片而呈半溶狀態。