夜貓。燒

营业中

休息中

🐻收工返到元朗揾食，見夜晚涼返啲心郁郁想食串燒，見到有間夜貓燒未試過又近近地，決定一戰！夜貓燒店面小小，但係餐牌種類繁多，有海鮮，雞牛羊，蔬菜，仲有好有壞特式小食，真係🐻👩🏻睇到花多眼亂。🐻👨🏽對雞脾有一種狂熱，見到夜貓大雞脾呢個名當然要叫返隻，雞脾燒完依然多汁肉嫩，啱哂🐻👨🏽胃口。雞腎串，牛肉串一上枱見到大大串真係嚇一跳，每串都係$22價錢相當實惠。食完肉少不了蔬菜環節，脆蓉茄子燒到剛剛好，茄肉同茄皮輕鬆分離，上面滿滿蒜蓉滿足重口味人士！🐻👩🏻叫左兩串韭菜，食落無渣，沾上辣粉食到🐻👩🏻好滿足。最後🐻👨🏽要左串司華力腸懷舊下小時候，司華力腸啖啖肉，食完個肚都飽。一邊食一邊見到夜貓燒外賣不絕，下次可以坐喺屋企叫外賣慢慢歎。