再來一煲 (好順景大廈1座)

营业中

休息中

今日同幾個朋友入左元朗行街買傢俬，行到無睇時間，原來都差唔多6:30有多，先發現連lunch都無食，二話不說緊係塊醫左個肚仔先啦，起Yoho入面行左陣，連鎖商店都唔知食咩好，最後決定同另一半出去睇吓有咩好野食啦當然梗係地膽嘅朋友但我哋去咗一條食街到行到一半比我地見到間雞煲招牌，我哋俾佢就吸引咗過去餐廳坐位雖然唔係話有好多，但係總括嚟講都係坐得幾舒服嘅有得食雞煲又有打邊爐🍲價錢仲要幾相宜，就有齊咁多嘢，估唔到俾我哋搵到間好嘢食一開始當然要食咗雞煲先啦，首先d雞好滑，點解？😹 雞煲味道濃郁，而且幾雞肉嫩滑多汁而且我哋仲加埋花膠落去一齊炒添花膠吸晒雞煲嘅味道，真係食極都停唔到口當食完雞煲之後就可以自助加返上湯，之後就可以直接打邊爐，而打邊爐配料款類亦都有好多選擇我哋比其中一樣野吸引咗叫做豆腐皮，好似日式腐皮般，吸湯簡直一流。另外我哋嗌左一個大嘅牛肉拼盤，當中滑牛肉係我朋友最鍾意食，大大塊又厚切，肉味香濃而我當然最鍾意都係封門柳，牛肉味最濃郁另外我哋仲加咗一個小食「牛柳粒」依個同樣係推介之作，除咗牛柳粒好食之外，佢嘅薯仔用咗蜜糖包裹着，都食到停吾到口。