雪花和牛刺身專門店 (已結業)

以前細個嘅時候成日黎呢度寶勒巷粵海酒店食自助餐，最近竟然改咗做「雪花和牛」新餐廳，懷念兒時回憶同又啱我食牛所以就嚟呢度食。裝修比較簡單，但有卡位設計，坐好闊落舒適。好開心見到餐牌有我鍾意食嘅雞泡魚干，第一樣野必點嘅。雞泡魚干整得好乾身，脆口，好好味，推介！！另外，三文魚刺身好肥美，顏色好靚，新鮮有鮮味。黎得呢度，點可以錯過個和牛，所以都有叫嗰個烤鹿兒島A5和牛。送上黎嘅時候搭住一塊一塊，排得好靚。冇諗過都有咁多塊，入口即溶好好味。