Mini Friday (銀城廣場) (已結業)

朋友去完旅行，有手信派，於是揀間靚餐廳，順便聚聚。整體來講，餐廳嘅環境優雅舒適，好適合約會、談心，鐘意仲可以飲翻兩杯。而且食物質素都好唔錯，店員方服務都好快同好殷勤幫手。係鬧市黎講，環境好坐，而且食物都好既餐廳，真係唔多了。當日係平日，我地好早到，好快都坐滿了。每張檯已經放好脆片，等待客人坐低就有嘢食了，感覺幾窩心。餐湯 & 沙律香草汁龍蝦大啡菇天使麺朋友點左DIY Pasta，其實係好貼心既服務，可以按喜好配搭，唔需要擔心一個意粉其中有野係唔鐘意食既；可以將喜歡既食材加埋一齊^^龍蝦燒得勁香，一上檯，連我都聞到。朋友表示龍蝦幾清甜。佢話香草汁好令佢surprise，覺得香味係啱好既，但唔會太搶。而且天使麺好滑，食落好順口。佢俾左D我試，我都覺得好好味呢。香烤澳洲羊架 配 薄荷燒汁一份有三枝羊架骨，我點左五成熟，我係覺得啱好既。，我 覺得羊架肉質唔錯，烤到幾香口。而且兩面烤到乾身，封住肉汁係入面。至於羊膻味，我自己係鐘意既，覺得要 有限算係食羊，當然唔可以太重啦，哩度既出品都係唔錯既。