赤葉日本料理 (已結業)

日本餐廳係元朗真係好多。。最近發現到間係 永X附近新開嘅， 於是就入去試下。一坐低侍應就畀咗碗湯我哋，開頭以為係普通麵豉湯啦，點知原來入面有好多三文魚肉可， 好似去壽司舖叫嘅三文魚頭湯一樣咁好味。叫咗個軟殼蟹手捲，軟殼蟹都幾大隻，仲係熱嘅，同幾脆口，不過紫菜就冧咗啲啦。南瓜同蟹棒天婦羅雙拼，個天婦羅幾有水準，個脆粉好薄身，而且都夠味唔使話再點好多豉油。 個三文魚頭連埋個如膠體積好大 燒到皮好脆燒到個皮都好脆 好簡單用咗少少鹽喺面頭咁已經好入味啦 想念住都係熱辣辣再加埋個籮白醋食完呢個魚頭都已經飽曬啦葉精選海鮮丼， 有牡丹蝦，拖羅，油甘魚腩，劍魚腩，馬糞海膽，吞拿魚蓉 ，帶子 同三文魚子。 咁多料都只係168蚊 !!而且刺身嘅質素唔低， 鮮甜又新鮮地獄龍之卷： 其實即係炸蝦卷，不過佢上面加咗啲辣椒葉喺度，食落去有淡淡嘅辣椒香，但又唔會真係辣。呢間小店真係有啲喜出望外， 價錢都算係低，而且食物質數都唔錯， 佢仲有個自選丼飯，好似車仔麵咁可以自己加刺身配料。下次嚟都會試下呢個。