影片
食家推介
已经系第n次嚟食啦，实在太好味，终于忍唔住要为佢写篇食评！哩度嘅刺身新鲜，寿司同烧物制作认真，一啲都唔马虎，性价比非常高！听讲佢地寿司师傅系喺日本学师返嚟，喺食物嘅细节饼都充份感受到寿司师傅对食物嘅执著❤️👍🏻首先，依度嘅寿司饭采用咗赤醋饭，饭嘅湿度适中，唔会太散易夹，甜酸度都适中，可以提高寿司上嘅刺身嘅鲜味，非常开胃！我最钟意嘅就系佢地嘅汁渍寿司，特别钟情佢地嘅日本纹甲鱿鱼寿司，因为我系非常钟意食鱿鱼嘅😋佢地嘅汁渍有非常开胃嘅柚子味，令寿司食落倍感清新！我一向偏爱食火灸寿司嘅！佢地嘅火灸都做得恰到好处，唔会有㶶味，火喉同火灸时间拿练得好好！我好钟意食佢地嘅灸烧日本左口鱼边寿司，左口鱼边入口即溶！今次仲试咗灸烧焦糖鹅肝寿司，一直想试但怕腥，但系有惊喜㖞！好甜，几特别，虽然食到最后都会食到少少腥，但都推介👍🏻小食方面，大爱佢地嘅芝麻鸡翼，好香口，即叫即整，次次送到嚟都真系热到辣嘴。今次去食仲试埋佢地时令嘅北海道珍宝带子，美味しい。带子除咗好鲜甜，仲有淡淡嘅海水味，咩sauce都唔洗加呀；而解冻嘅时间同温度都拿练得好好，入口唔会劲冻亦无残余嘅薄冰，直头幻想到自己食紧啱啱喺海边执起嘅带子咁呀，口感丰富！另外，今次终于试埋佢地嘅蟹膏牡丹虾刺身！评价同北海道珍宝带子刺身一样，好味道呀！而且仲试咗分别嚟自加拿大同日本根室嘅时令海胆寿司加拿大海胆寿司，我个人觉得都腥咖，唔推介，不过朋友唔觉～仲有，哩度有suntory draft beer，喺元朗比较少见。听讲哩间餐厅喺疫情嘅影响下，即将结业，稍作休息。希望寿司师傅快啲休息完，期待他日卷土重来！今次无帮所有食物影写真，其他相片可参考我嘅相簿，佢地仲有好多嘢食好正！
继续阅读
芒果海龙卷🥭🦐清新嘅炸虾卷〰️令人一旧接一旧咁好快食晒〰️珍宝带子，油甘鱼腩，池鱼王🍣呢三个都系必嗌之选〰️尤其系珍宝带子〰️好厚肉〰️炙烧左口鱼，海胆，纹甲鱿鱼🍣炙烧左口鱼又系必嗌〰️钟意左口鱼嘅一定一定要叫👌🏻入口好香〰️香葱拖罗蓉手卷🍣其实我系钟意食小卷〰️但系冇咗小卷🥲然后呢个手卷系我睇错咗以为系小卷之后嗌咗🤣不过都好食的👌🏻牛舌心串，味增烧豚腩串好食香口〰️不过又唔系好似真系串烧舖嘅质素〰️唐扬炸鸡🍗普普通通👌🏻
继续阅读
今日嘢食唔错 散叫咗啲寿司 仲有个炸鸡软骨 少少串烧 全部都唔错几好食热辣辣 个茶壶好得意 放落去影得几靓 不过间舖头啲细 人多嘅话都等几耐 好彩𠮶时七点几去 唔使等位 如果路过都可以一试嘅
继续阅读
第2次回头光顾，餐厅环境舒适 座位唔逼布置有日式居酒屋既感觉 播既日本音乐亦非常欣赏食物有诚意 食左大约十样食物 每样既味道都好有水准 而且价钱非常合理店员服务好好亦有礼貌总括来讲，系非常有诚意既高质小店👍🏻食物，环境，服务都好好! 下次再来元朗一定会再光顾
继续阅读
本来想开开心心食餐好西， 一入餐厅， 环境唔掂， 好似茶餐厅咁， 跟住有个黑口黑面四眼佬带入座， 之前见到Openrice食评， 有个梯级摆设嘅寿司set， 原来已经冇做好耐， 真系好失望， 最后叫咗个普通嘅寿司set连冷面， 其实真系冇乜选择， 另外加咗两串串烧， 猪腩同鸡皮， 本来都好期待， 点知， 两串串烧激咸， 好似食盐咁， 而盘寿司嘅质素真系极普通， 衰过好多寿司连锁店， 一个lunch咁就食咗$200几， 但真心觉得超唔值咁嘅价钱。 我好少上嚟打食评， 但真系唔想有人再中伏， 所以一定要写呢一篇！！！
继续阅读