金公館 (康怡廣場北座)

营业中

休息中

今日去到太古想食中菜就入左黎呢到試一試。腿茸杞子扒津白 芡汁鹹淡適中，平時最驚食到d津白芡汁又咸又杰，但佢一d都唔會有呢個問題，最後潵上少少金華火腿茸食落更加有咸香咸香味。芙蓉賽螃蟹 蛋白炒得幾滑又唔會太油，仲有帶子粒，增加口感同鮮味，加埋d醋之後味道更加有層次。今日叫左個起屋企好少做會煲既青城山杏汁白肺湯，個湯夠哂Creamy，杏汁味好濃好足料，飲落好潤咁，岩哂呢d天氣可以滋潤一下烤北京填鴨 一共有四款醬可以選擇-甜面醬桂花糖醬 冰梅醬 胡麻醬，其中桂花糖醬最特別，烤鴨加上桂花既清甜味，感覺好清新，但最鍾意都係傳統既甜麵醬同烤鴨係最夾。總結呢到食下京菜感覺都算舒服，服務態度唔錯。