影片
更多
2015-10-07
2173 浏览
太古，出左名無啖好食，徧徧女朋友就係個度番工，仲要OT，即係話唔走得遠，一定要係太古食啦？老實講我就唔太鐘意去D大飲食集團，因為舖一多D野食水準就Keep唔到，仲要貴－土地問題啊嗎……咁好彩仲有間Greyhound Café，係泰國食過非常好食，女友都好鐘意。雖然黎到香港應該都打個折扣，但係心諗應該唔差得遠掛，始終掛住泰國本舖個名。Home Fries with Aioli特色炸薯皮配蒜香醬一開始就叫呢一味！其實即係炸薯角。因為女友鐘意－唔知做乜D女士好鐘意食炸薯角一類既野。其實唔難整得好食，最緊要夠熱！同埋個醬！而好多舖頭為左快都忽略左「熱」呢個重點，而且通常係茄醬就算。但今次呢個唔錯，夠熱，應該係即炸，個醬唔會太漏太重味，我本身唔係咁岩食都食左幾件。Chicken Satay泰式沙嗲雞柳串味道係唔差，但係都無乜特別，個三串青瓜紅椒加洋蔥幾多餘下，舊紅椒咁辣點會就咁食啊，一放落口就中伏。而且要成$88，幾唔值喎……Greyhound Famous Fried Chicken Wings招牌脆炸單骨雞翼份量OK！味道幾好，本身見佢切開左一半先炸仲驚佢炸到無哂味，但係因為切開左，反而入味
咁好彩仲有間Greyhound Café，係泰國食過非常好食，女友都好鐘意。雖然黎到香港應該都打個折扣，但係心諗應該唔差得遠掛，始終掛住泰國本舖個名。
Home Fries with Aioli
特色炸薯皮配蒜香醬
一開始就叫呢一味！其實即係炸薯角。因為女友鐘意－唔知做乜D女士好鐘意食炸薯角一類既野。其實唔難整得好食，最緊要夠熱！同埋個醬！而好多舖頭為左快都忽略左「熱」呢個重點，而且通常係茄醬就算。但今次呢個唔錯，夠熱，應該係即炸，個醬唔會太漏太重味，我本身唔係咁岩食都食左幾件。
Chicken Satay泰式沙嗲雞柳串
味道係唔差，但係都無乜特別，個三串青瓜紅椒加洋蔥幾多餘下，舊紅椒咁辣點會就咁食啊，一放落口就中伏。而且要成$88，幾唔值喎……
Greyhound Famous Fried Chicken Wings招牌脆炸單骨雞翼
份量OK！味道幾好，本身見佢切開左一半先炸仲驚佢炸到無哂味，但係因為切開左，反而入味左，又唔會炸到乾柴咁。唔錯！
Spaghetti Carbonara in Light Cream Sauce煙肉蘑菇白汁意大利麵
簡單野，幾好食！難得佢係有兩種煙肉，一種係煮軟左既，另一種係炸脆左既，一次過有兩種口感。其實野食雖然簡單，但係呢D小心思，其實的確係會令個客開心左。
Passion Fashion甜甜酸酸，有Passion Fruit，Pineapple同埋Mint，鮮果野，其實都溝到好難講咩味，幾開胃幾特別咁啦。
Iced Lemon Tea (Greyhound Style)同一般檸檬茶唔同，味道除左有甜同少少苦之外，仲有一種唔知咩香草味，幾有層次。問Waiter就話茶葉都係用泰國既，唔錯！有驚喜！
整體黎講係幾好，價錢適中，雖然係簡單野但係幾好食。可能係因為太古啦，平日放工時間就無咩人，咁幾適合拍拖男女過黎喎！食物好，又唔貴，人又唔多，最好談心！哈！张贴
