まいど

营业中

休息中

星期四約左老公一齊食lunch，食韓國菜回憶下岩岩去完濟州島既片段。附送既前菜有泡菜、薯仔、油麥菜，估唔到lunch有三款前菜甘多，都幾好食。水冷麵今日熱左好多，當然要叫返碗水冷麵黎降下溫啦。除左有煙煙韌韌既幼冷麵之外，仲有半隻蛋、牛肉片、雪梨絲、青瓜絲，味道酸酸地，食完涼左好多。牛肉拉麵不嬲都覺得韓國拉麵好Q彈，呢碗拉麵既配料仲要好多，有嫩滑既牛肉，蔬菜份量都好多，仲有隻半熟蛋，辣辣地，好惹味。泡菜湯除左有泡菜，仲有豆腐、豬肉，有一碗白飯跟，味道酸酸地，唔會辣。紫菜包飯雖然只係用紫菜同白飯包住幾種食材，但簡單就係好食。