上車車仔麵 (已結業)

石門近年多左唔少食肆，無論係日本菜，西餐，酒吧，應有盡有。而我地1/10黎到，初頭都未諗到食咩好，就決定去我地經常幫襯既係一間叫上車既車仔麵鋪。佢地其中一種既麵底叫做陳村粉，都幾特別。望落個樣有少少似河粉，食落有d似腸粉。我叫左糖心蛋，墨丸同豬腸。糖心蛋非常好食，配埋腩汁湯底非常惹味，豬腸份量好多，但偏咸。墨丸就有d粉，個人唔建議食。呢個價錢（$40-$50），係沙田呢個地段，算係幾抵食。但質素的話，我認為元朗都有兩間比佢更好！