影片
更多
2023-06-23
1093 浏览
🇰🇷🇰🇷🇰🇷同朋友想燒肉亦都想食韓國料理，見到最大飲食推介平台都有好多人讚好心諗依間都幾有信心，睇相環境唔錯又坐得舒服，點知係中伏職員服務好好，會幫我地燒肉，所以唔存在我地唔識燒肉、或者浪費左食物既問題和牛牛小排-醬油味($298)肉既份量唔多，大家睇相唔知份量唔緊要我地可以攞間尺度，我地四個人，每件肉幫我地切左四份，每人食左2件3cm x 3cm既肉，即係我地$298係買左兩件3cm x 12cm既肉和牛份量貴同少大家知，唔緊要架，但完全係普通一件薄牛肉，食完無咩感覺濟洲活鰻魚($280)一黎到見到樣都唔開胃，係冰鮮既職員幫手燒完剪開有六件，即係平均一件都要$45燒燒下好似聞到有腥味，最後食落口脆脆既，無腥味，有鰻魚汁點下，但我會簡返鰻魚壽司算數，朋友話佢果件只有煙薰味因為份量問題，所以唔再考慮追加燒肉部分，專心試主食，而主食料理係OK無問題既神仙雪濃湯($145)驚喜係原來有個白飯跟，我地都幾開心濃湯好足料，有麵線，牛助骨都有幾件，糊椒味重，味道唔錯，真係要白飯配合1++韓牛生牛肉石鍋飯($188)賣相都唔錯，生牛肉加蛋係絕配，加埋石鍋飯，令牛肉有少少半生熟，好滑好香，飯好夠熱，最
同朋友想燒肉亦都想食韓國料理，見到最大飲食推介平台都有好多人讚好
心諗依間都幾有信心，睇相環境唔錯又坐得舒服，點知係中伏
職員服務好好，會幫我地燒肉，所以唔存在我地唔識燒肉、或者浪費左食物既問題
和牛牛小排-醬油味($298)
肉既份量唔多，大家睇相唔知份量唔緊要
我地可以攞間尺度，我地四個人，每件肉幫我地切左四份，每人食左2件3cm x 3cm既肉，即係我地$298係買左兩件3cm x 12cm既肉
和牛份量貴同少大家知，唔緊要架，但完全係普通一件薄牛肉，食完無咩感覺
濟洲活鰻魚($280)
一黎到見到樣都唔開胃，係冰鮮既
職員幫手燒完剪開有六件，即係平均一件都要$45
燒燒下好似聞到有腥味，最後食落口脆脆既，無腥味，有鰻魚汁點下，但我會簡返鰻魚壽司算數，朋友話佢果件只有煙薰味
因為份量問題，所以唔再考慮追加燒肉部分，專心試主食，而主食料理係OK無問題既
神仙雪濃湯($145)
驚喜係原來有個白飯跟，我地都幾開心
濃湯好足料，有麵線，牛助骨都有幾件，糊椒味重，味道唔錯，真係要白飯配合
1++韓牛生牛肉石鍋飯($188)
賣相都唔錯，生牛肉加蛋係絕配，加埋石鍋飯，令牛肉有少少半生熟，好滑好香，飯好夠熱，最後亦有飯焦，的確唔錯
主要👎🏻👎🏻👎🏻既部分係燒肉，唔用質素好少少肉做燒肉就唔好掛高價做主打燒肉店，就算飲食平台訂位有85折都無用架，我地四個人要叫四個燒肉先可以有燒肉85折，而我地叫左兩個燒肉，職員重覆左好多次我地要叫四個，好似迫我地叫，直至我地話唔要85折先收手，感覺太差，如其85折，不如索性調低價錢比較合理，唔好扮高檔
韓式料理主食👌🏻有泡菜、前菜refill
张贴
