影片
更多
2018-11-22
405 浏览
好耐無食呢間上海嘢以前仲喺二期嘅時候就成日食搬咗落黎之後反而食少咗今晚終於再幫襯Menu好似唔同咗？記得對上一次食仲有勁好味木須炒拉麵今次已經無咗一坐底 姐姐好殷勤咁問飲烏龍好無然後就夾落黎我明明記得之前仲有普洱揀而且普洱係好飲好多然後望一望週圍 個個都係飲緊烏龍嘅應該係無得揀啦我都唔為難阿姐而出事嘅前奏好似慢慢響起咗....叫咗小籠包 上海粗炒 雪菜蝦仁炒飯同鎮江骨(舉咗手勁耐先有人理我囉)叫完飲啖茶 好難飲 😩啖而無味 水又唔夠熱 同飲水無分別 好快小籠包就到以前嘅皮薄餡靚多汁嘅小籠包去咗邊？熱就夠熱但層皮厚咗 肉少咗 連湯汁都少埋粗炒正正常常 不過咸咗d炒飯都唔差 不過縮咗水鎮江骨又係伏排骨好鞋 又唔入味 乾憎憎個醬又係奇怪味 得個酸字成餐飯唔係好記得影相因為成個腦就係得三個字大 倒 退好彩依家HSBC 做promote 有個雞雞地嘅九折先叫好過d 睇怕都唔使再食....溫馨提示茶位6蚊位限時75分鐘
以前仲喺二期嘅時候就成日食
搬咗落黎之後反而食少咗
今晚終於再幫襯
Menu好似唔同咗？
記得對上一次食仲有勁好味木須炒拉麵
今次已經無咗
一坐底 姐姐好殷勤咁問飲烏龍好無
然後就夾落黎
我明明記得之前仲有普洱揀
而且普洱係好飲好多
然後望一望週圍
個個都係飲緊烏龍嘅
應該係無得揀啦
我都唔為難阿姐
而出事嘅前奏好似慢慢響起咗....
叫咗小籠包 上海粗炒 雪菜蝦仁炒飯
同鎮江骨
(舉咗手勁耐先有人理我囉)
叫完飲啖茶
好難飲 😩
啖而無味 水又唔夠熱
同飲水無分別
好快小籠包就到
以前嘅皮薄餡靚多汁嘅小籠包去咗邊？
熱就夠熱
但層皮厚咗 肉少咗 連湯汁都少埋
粗炒
正正常常 不過咸咗d
炒飯都唔差 不過縮咗水
鎮江骨又係伏
排骨好鞋 又唔入味
乾憎憎
個醬又係奇怪味
得個酸字
成餐飯唔係好記得影相
因為成個腦就係得三個字
大 倒 退
好彩依家HSBC 做promote
有個雞雞地嘅九折
先叫好過d
睇怕都唔使再食....
溫馨提示
茶位6蚊位
限時75分鐘
张贴
