心之食堂 (裝修中)

今日喺銅鑼灣放工，行到去耀華街搵嘢食。見到百樂中心有好多餐廳，竟然俾我哋搵到一間隱世嘅日本餐廳叫心之食堂。呢間餐廳價錢合理，質素高，非常值得推介俾大家。我地去到嘅時候係八點幾，個場都幾full。不過餐廳有電話預約服務，如果唔想等位，可以打電話去book。餐廳嘅裝修好簡單，唔會好似一般日本餐廳嘅日本風格。牆上面有好多裝飾品，過住啲柔和嘅音樂，感覺好舒服。我地兩個人唔係好肚餓所以叫咗好少野食。令我最驚喜嘅菜式係帶子夾鵝肝，帶子望落肉色要粉嫩有光澤、帶子肉紋理清晰同食落鮮甜有彈性同爽口。鵝肝表面較脆，有香郁細嫩口感，味道不俗。鵝肝同帶子夾埋，竟然有意外驚喜，口感豐富。吞拿魚串嘅肉質較為堅硬、含豐富魚油，油脂甘香，佢用嘅器皿都好得意。而炸芋圓都係一試難忘！好味！外層光滑，有酥脆嘅皮，咬一啖，內裡煙韌。煙韌控必試呀！仲有食咗一個好特別嘅魚生飯，唔講佢嘅味道先，外型都夠晒吸引。個飯竟然係心型㗎，襯返餐廳個名。刺身嘅份量都好多，有三文魚、吞拿魚、八爪魚等等；啲飯亦都粒粒分明。呢個係必試嘅菜式，影相都夠晒靚啦。飲品我就簡簡單單叫咗個＄18嘅雪碧。下次想去人食日本菜可以試吓心之食堂。