日月堂

营业中

休息中

同小朋友學完嘢佢話想食台灣嘢，所以我哋就去咗觀塘工廈搵嘢食，上網見到呢間評價都幾高，去到大約3:00pm都仲係咁多人，加上見到原來佢係得獎餐廳，雖然等咗一陣，不過食完之後都覺得等得有價值。首先叫咗個牛肉牛筋米粉，湯底好濃郁，牛筋好軟腍，份量好足都係幾十蚊一碗，好好味。將麻辣鴨血放埋落碗麵一齊食，非常有台式嘅感覺，麻辣唔算真係好辣，但係好香，即刻好開胃。另外叫咗酥炸魷魚鬚，新鮮炸起，落埋自家製椒鹽粉，好惹味，另外小朋友好鍾意炸地瓜球，一碟入邊有兩種味，一種係紫薯一種係黃色番薯，食落唔會好甜，但係會食到唔停口嘅小食。