火鍋撚 (染布房街) (已結業)

火鍋店「火鍋撚」！以打邊爐專門店而言，食材大部分只屬中規中矩，牛肉、海鮮、鴨血等等缺乏鮮味丸類普通。- 肉類普普通通，牛味並不突出湯底叫左4款，老火湯底、豆腐湯底、麻辣湯底仲有款唔記得左，不過4款個味都係一樣，都係似豬骨湯味（麻辣自行加左辣都係唔辣）。座位方面十分逼夾侷促，檯面又細，食到好狼狽。而且燈光昏暗到一個點，係暗到睇唔清舊牛肉熟未結果一來食物唔算好好食，二來太暗太窄，都無乜點影食物相。唯一當中值得一讚係飲品，柑桔檸檬蜜、冬瓜檸檬沙冰、龍眼菊花蜜都好高質好好飲，無溝水欺場完勝好多其他火鍋店嘅飲品- 圖中所示嘅係店家贈送的腐竹糖水沙冰，非常有特色，我認為佢地直頭夠實力開多條線做「飲品撚」或者「甜品撚」不過埋單就貴嘞人均3舊幾水，個人認為唔係好值依個價