鋮記一品粥鋪 (已搬遷) 新店位置

已經唔係第一次食呢間,不過之前一係只食一碗粥,一係就只外賣一份魚皮,今晚係一次過試佢咁多樣野....以佢既取價,可以說是非常好味.....魚卜粥($28),事頭婆不斷強調"新鮮魚卜"(妖!邊鬼度有雪藏魚卜架?)...真係一 d 都唔腥,難得,又大個又爽口,而且有十個八個咁多,點豉油食,是非常廉價的鮮味....粥底當然有味精啦,但唔重手,比起"早餐類,非生滾粥"常見既味精份量,已經少好多.........涼伴魚皮($16),由於小弟廚藝方面亦略有研究,知道此菜之制作煩覆不堪,而其爽口只有"綾魚皮"可比...在家中自制,無疑捉蟲入xx,所以每有必點...其實魚皮無味,香氣、味道來伴食的薑葱及生抽。此菜亦是一個"下欄貨變成上品"的表表者...腸粉,即叫即拉...蝦當然係浸過梘水既脆口蝦,但以 $16黎講...ok啦...好過 d 海乜海物連鎖粥店,無聲無息由 $18 加到 $21....。牛肉腸 $15,好香葱味...正...粉皮介乎薄與唔係好薄之間,但一 d 都唔厚...有優惠喎...幫襯超過$60,送汽水或兩粒蜆介綾魚球...我梗係無咁笨要汽水啦...成間鋪無客,佢都要開番着個炸爐,就係