影片
更多
2019-06-26
30 浏览
荃灣嗰間華香雞就食得多，知道觀塘都開咗間《華香雞》，呢日同同事做嘢經過觀塘，一於嚟試下。餐廳位於成運工業大廈1樓，地方相當闊落。除咗食雞外，仲有豬、牛、魚……等等，相當多選擇。午餐送例湯，羅漢果龍脷葉煲豬肉，清熱潤肺化痰止咳，真材實料清甜滋潤。招牌華香雞 + 黃薑飯碟 ($48) 招牌華香雞 - 有雞味，肉質爽滑，白滷水汁十分入味，難怪可成為招牌菜。烏龍茶香雞 + 黃薑飯碟 ($48)烏龍茶香雞 - 雞皮同雞肉都有好香嘅茶燻味，薄薄嘅雞皮同雞肉中間有一層透明嘅骨膠原，既有雞味肉質十分爽滑。黃薑飯 - 乾身得嚟唔會硬，味道香口。香煎蠔仔煲 ($98) - 有好多蠔仔，十分足料。食落相當香脆鬆化又唔油膩，蠔味濃郁，香口之選。呢度地方闊落、食物選擇多、真材實料、餐牌仲講明不加味精，價錢實惠，絕對係同區中個相當唔錯嘅選擇！
餐廳位於成運工業大廈1樓，地方相當闊落。
除咗食雞外，仲有豬、牛、魚……等等，相當多選擇。
午餐送例湯，羅漢果龍脷葉煲豬肉，清熱潤肺化痰止咳，真材實料清甜滋潤。
招牌華香雞 + 黃薑飯碟 ($48)
招牌華香雞 - 有雞味，肉質爽滑，白滷水汁十分入味，難怪可成為招牌菜。
烏龍茶香雞 + 黃薑飯碟 ($48)
烏龍茶香雞 - 雞皮同雞肉都有好香嘅茶燻味，薄薄嘅雞皮同雞肉中間有一層透明嘅骨膠原，既有雞味肉質十分爽滑。
黃薑飯 - 乾身得嚟唔會硬，味道香口。
香煎蠔仔煲 ($98) - 有好多蠔仔，十分足料。食落相當香脆鬆化又唔油膩，蠔味濃郁，香口之選。
呢度地方闊落、食物選擇多、真材實料、餐牌仲講明不加味精，價錢實惠，絕對係同區中個相當唔錯嘅選擇！
张贴
