大同私房菜會所

营业中

休息中

今晚同幾位朋友第一次book左私房菜，因大同呢個名係以前香港一個老粵菜品牌，所以特登一齊試下餐廳內部環境好靚、好高貴，顏色令人好舒服我地一行6人，坐得好舒適！坐低左冇耐，好快就上左茶，佢地呢隻陳皮普洱茶真係好香、未飲已經上曬頭仲有佢地既前菜都好大方、食野前食少少，非常開胃我哋今晚個餐叫做大同會所晚宴，第一道菜係法式焗蟹蓋，每隻都大大隻，香口好味！第二道菜係燕窩鷓鴣粥，燕窩鷓鴣粥係一道經典手工菜，擁有悠久歷史，製作繁複湯羹口感入口順滑，搭配鷓鴣肉，香濃可口！然後係自泡味菜炒豬肚尖香脆可口，豬肚入味，佐以泡菜，口感爽脆廣州荔灣豉椒炒蟹亦都非常可口， 調味同埋蟹非常夾，食完返尋味!腿茸奶油津白係一道濃郁香濃既湯品，口感滑嫩，奶油香氣濃郁，值得一試！跟住就係蜜汁火方，食落口即刻溶化！咖喱牛腩真係非常出色，師傅將牛腩煮到又林又入味，撈落飯度食真係食唔停口！唔好睇蟹油撈麵啲蟹油好厚，佢撈落啲面度食又滑又香濃，大讚！最後出場嘅係20年陳皮紅豆沙，佢嘅陳皮未食入口已經聞到香味，同出邊食嘅紅豆沙非常唔同，充滿懷舊又高級嘅感覺！