Pokka Cafe (已結業)

總共去過呢間Pokka共三次，三次都給我一種不俗既感覺。首先，坐得舒服，記得第一次book定檯侍應安排我倆坐喺可供四人坐既卡位，趟在軟綿綿既梳化上閒聊，格外舒適，好像將一天的煩惱一掃而空。食物水準亦不俗，起碼改變了我對Pokka既觀感。記得以前曾經聽過舊同事們對pokka既劣評，令我對它產生了一個不良印象，不過，現在卻完全改觀了。今次來是一個星期五晚上，店內擠滿了人，起碼比上兩次墟冚了不少。Order了海鮮蛋白炒飯加沙律及凍coffee，醬燒豬仔骨配炸洋蔥圈。海鮮蛋白炒飯OK，蛋白夠多，配上海鮮、蟹籽及芝麻一同吃，炒飯又不太油膩，幾好。沙律及餐飲凍coffee一般，下次想試試cappuccino看看質素如何。不過豬仔骨略嫌差咗d，燒汁無乜味，炸洋蔥圈又普通，唔好食。現在已經有一張八五折優惠卡可用至十一月，所以當然會再次幫襯啦。