FLIPPER'S (已結業)

梳乎厘厚班戟一直係香港嘅熱潮，但係唔係度度地方都整得好食，而每一次經過flippers 嘅我，都見到餐廳外大排長龍，每份甜品都要＄99起，真係想黎試下見識下。是日星期日，晚上八點鐘到黎到，人龍已經排到去洗手間，我地最後等左足足30分鐘，先至可以入座。餐牌上甜品嘅選擇唔多，只有四款甜同兩款鹹嘅梳乎厘。我地點左原味同埋榛子朱古力焦糖香蕉班戟。等左足足二十分鐘，期待已久嘅梳乎厘終於到啦。原味同榛子朱古力比較，個人比較喜歡原味，一來感覺無咁膩，二來點鮮忌廉食味道較為夾。一份梳乎厘有三件，上檯時有好香嘅蛋白味，入口非常鬆軟，真係令人一口一口咁食過不停。